| e-texts navigator |
| Wylie |
92a1 གནས།། སྤྲུལ་པ་སྟོང་གསུམ་གང་བར་འགྱེད་པར་གྱུར།། དེ་ལྟར་བུ་ཡི་ཡོན་ཏན་ཐོབ་པར་འགྱུར།། ཡོན་ཏན་ཚོགས་ཀྱི་མཆོད་པ་དམ་པ་འདིས།། རྒྱལ་བཞི་ཁྲོའི་ཚོགས་ལ་མཆོད་པར་འབུལ།། ཨ
92a2 ལ་ལ་སྟེ་མཆོད་པར་བཞེས།། ཨ་ལ་ལ་ཧོ་ཐུགས་རྗེས་དགོངས་སུ་གསོལ།། ཨ་ལ་ལ་སྟེ་ཐུགས་རྗེས་དགྱེས་པས་བཞེས།། རྣལ་འབྱོར་བདག་ལ་དངོས་གྲུབ་སྩལ་དུ་གསོལ།། བདག་ལ་དབང་བསྐུར་ཚོགས་མཆོད
92a3 དགྱེས་པར་རོལ།། ཨ་ལི་ཨུ་ལི་ཏཱ་ལི་ཏ་པཱ་ལི། ཁཱ་ཧི་ཁཱ་ཧི། མཱཾ་ས། རཀྟ། ཙིཏྟ། མ་ཧཱ་བ་སུ་ཏ། གོ་རོ་ཙ་ན་བ་ལིདྷ་ཁཱ་ཧི། དེས་ནི་ཚོགས་ཀྱི་ལས་ཐམས་ཅད་ཤེས་པར་བྱའོ།། ཞེས་རྫོགས་པ་རང་བྱུང་ཆེན་པོའི་རྒྱུད
92a4 ལས། སྤྱི་ཚོགས་བསྒྲལ་བའི་ལུང་བསྟན་པའི་ལེའུ་སྟེ་བཅོ་ལྔ་པའོ།། རྫོགས་སོ།། །། @#།། རྒྱ་གར་སྐད་དུ། སརྦ་ཤཱན་ཏིང་བོ་དྷི་ས་ཏྭ་ཨ་བྷི་ཥིཉྩ་ནཱ་མ།། བོད་སྐད་དུ། ཞི་བ་བྱང་ཆུབ་སེམས
92a5 དཔའ་ཐམས་ཅད་ཀྱི་དབང་བསྐུར་བའི་ལེའུ་ཞེས་བྱ་བ་སྟེ། བཅོམ་ལྡན་འདས་དཔལ་ཀུན་ཏུ་བཟང་པོའི་སྐུ་ལ་ཕྱག་འཚལ་ལོ།། དེ་ནས་དབང་ཐམས་ཅད་ཀྱི་བདག་ཉིད་དབང་གི་སྐུ་དེས། ཕྱི་ནང་སྣོད་བཅུད་ཐམས
92a6 ཅད་དབང་གིས་རང་བཞིན་དུ་བྱིན་གྱིས་བརླབས་ནས། ཞི་བ་བྱང་ཆུབ་སེམས་ཀྱི་ངང་དུ་དབང་བསྐུར་བ་ཞེས་བྱ་བ་འདི་རྣམ་པར་བཤད་དོ།། གསལ་བར་བྱའོ།། མངོན་པར་བསྟན་ནོ།། རྒྱས་པར་བཀྲལ་ལོ།། རིག
iiif viewer powered by OpenSeadragon
