| e-texts navigator |
| Wylie |
90b1 པའི།། ཞི་ཁྲོ་ཚོགས་དང་སེམས་དཔའ་ལ།། གཉིས་མེད་གར་གྱིས་མཆོད་པ་འབུལ།། ཆོས་དང་སེམས་དང་ཡིད་ཀྱིས་མཆོད།། ཨེ་མ་སངས་རྒྱས་ཀུན་སྦྱོར་བའི།། མཉམ་པའི་མཆོད་པ་ཆེན་པོས་མཆོད།། སྤྱན་ལས
90b2 མཆོད་པའི་ལྷ་འཕྲོས་པས།། གཟུགས་ཀྱི་མཆོད་པ་སྣ་ཚོགས་འབྱུང་།། ལག་གཉིས་གར་བསྒྱུར་བུམ་འཛིན་མས།། རྒྱལ་བ་མཉེས་ནས་སྤྱན་ལ་ཐིམ།། སྒྲ་ལས་མཆོད་པའི་ལྷར་གྱུར་པས།། སྒྲ་ཡི་མཆོད་པ་སྣ་ཚོགས
90b3 འབྱུང་།། ལག་གཉིས་གར་བསྒྱུར་རོལ་མོ་མས།། རྒྱལ་བ་མཆོད་བྱས་སྙན་ལ་ཐིམ།། ཤངས་ལས་མཆོད་པའི་ལྷར་གྱུར་ནས།། དྲི་ཡི་མཆོད་པ་སྣ་ཚོགས་འབྱུང་།། སྤྲོས་པས་རྒྱལ་བའི་སྐུ་མཆོད་ནས།། ལག་གཉིས
90b4 གར་བསྒྱུར་དྷ་པེ་མས།། རྒྱལ་བ་མཉེས་བྱས་ཤངས་ལ་ཐིམ།། ལྗགས་ལས་མཆོད་པའི་ལྷར་གྱུར་པས།། རོ་ཡི་མཆོད་པ་སྣ་ཚོགས་བྱུང་།། སྤྲོས་པས་རྒྱལ་བའི་སྐུ་མཆོད་ནས།། ལག་གཉིས་གར་བསྒྱུར་ནི་ཝི
90b5 ཏེས།། རྒྱལ་བའི་སྐུ་མཆོད་ལྗགས་ལ་ཐིམ།། མཆོད་པའི་ལྷ་མོ་དེ་དག་ཀྱང་།། ལག་པས་གར་བསྒྱུར་རྐང་པས་སྟབས།། གཉིས་མེད་མཆོད་པ་རོལ་མོ་དང་།། པི་ཝང་འཛིན་དང་སྤོས་ཕོར་འཛིན།། ཞལ་ཟས་སྣ
90b6 ཚོགས་འཛིན་བྱེད་ཅིང་།། མཆོད་པའི་གླུ་དང་སྟབས་དང་ནི།། གར་གྱིས་ཐམས་ཅད་ཚིམ་པར་མཆོད།། ཡང་དག་སྐུ་དང་ཆོས་ཀྱི་སྐུ།། སངས་རྒྱས་ཞིང་ཁམས་རབ་འབྱམས་སུ།། ལྷ་མོ་བཞི་ཡིས་ཁེངས་གྱུར་ཏེ།།
iiif viewer powered by OpenSeadragon
