| e-texts navigator |
| Wylie |
90a1 ཀྱི་དྲི་ཆབ་ཀྱིས།། ཚོགས་དེ་བསངས་ཤིང་མཆོད་པར་བྱ།། དང་པོ་དཔའ་བོ་སྐེགས་པས་མཆོད།། གཉིས་པ་དྲི་མེད་དྲིན་ཆེན་འཁོར་ལོས་མཆོག། གསུམ་པ་གཉིས་མེད་བཤགས་པས་མཆོད།། དེ་ལྟར
90a2 ཁྲོ་བོའི་མཆོད་རྫོགས་བྱའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ཁྲོ་བོ་རང་བཞིན་གྱི་ཚོགས་ཀྱི་ལེའུ་སྟེ་བཅུ་བཞི་པའོ།། རྫོགས་སོ།། །། @#།། རྒྱ་གར་སྐད་དུ། ཏི་སྟ་སརྦ་ཀ་ཡ་ནཱ
90a3 མ། བོད་སྐད་དུ། སྤྱི་ཚོགས་བསྒྲལ་བའི་ལུང་ཞེས་བྱ་བ།། བཅོམ་ལྡན་དབང་ཆེན་འདུས་པའི་སྐུ་ལ་ཕྱག་འཚལ་ལོ།། དེ་ནས་ཡང་འཁོར་ཉེ་བའི་སྲས་མཆོག་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན
90a4 དབང་གི་ལྷ།། འདས་པའི་འཁོར་རྣམས་ཁྲོ་གཉེར་ལ།། སྤྱི་ཚོགས་བསྒྲལ་བ་བསྟན་དུ་གསོལ།། དེ་སྐད་ཞུ་བ་ཕུལ་གྱུར་ནས།། རང་རང་སྟན་ལ་ཉེ་བར་འདུག། དེ་ནས་ཉིད་ཀྱིས་རབ་ཏུ་བཤད།། ཀྱེ་མ་འདུས་པ་ཆེན
90a5 པོ་ཉོན།། ཚོགས་ཀྱི་ལུང་འདིར་བསྒྲལ་འདོད་པས།། བསྒྲལ་དང་སྤྱན་འདྲེན་མཆོད་རྫོགས་བྱ།། དཔའ་བོ་སྦ་བཤགས་པ་དང་།། བསྟབ་པ་གསུམ་གྱི་མཆོད་པ་བྱ།། དེ་ནས་གིང་ཆེན་རྒྱན་ལྡན་དེས།། སྔགས་དང
90a6 ཕྱག་རྒྱས་བྱིན་བརླབས་པས།། ཏིང་འཛིན་རྟ་མཆོག་སྐུར་ལྡན་པས།། མཆོད་པའི་ཕྱག་རྒྱས་ཉེར་མཆོད་དེ།། ལྷ་མོ་བཞི་ཡིས་ཉེར་མཆོད་དེ།། འདི་སྐད་བརྗོད་ཅིང་གླུ་ཆེན་བླང་། ཧཱུཾ། མཆོད་པའི་གླུ་ཚིག་དབྱངས་ལྡན
iiif viewer powered by OpenSeadragon
