| e-texts navigator |
| Wylie |
89b1 ཏ་པ་ལི། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ཞི་བའི་ཚོགས་བསྒྲལ་བའི་ལེའུ་སྟེ་གསུམ་པའོ།། རྫོགས་སོ།། །། @#།། རྒྱ་གར་སྐད་དུ། བུདྡྷ་ལིང་ཀྲོ་ཧ་སུ་ཀ་ནཱ་མ། བོད་སྐད་དུ།
89b2 ཁྲོ་བོའི་རང་བཞིན་དུ་ཚོགས་བསྒྲལ་བའི་ལུང་ཞེས་བྱ་བ།། བཅོམ་ལྡན་འདས་པད་མ་དབང་གི་ལྷ་ལ་ཕྱག་འཚལ་ལོ།། དེ་ནས་ཡང་ཁྲོ་བོའི་ལྷ་ཚོགས་འཁོར་དང་བཅས་པ་རྣམས་ཀྱིས་འདི་སྐད་ཅེས་སྨྲས་སོ།། ཀྱེ་ཀྱེ
89b3 རང་རང་འདུས་པའི་ཚོགས་རྣམས་ཉོན།། གང་ཞིག་ལོངས་སྤྱོད་འཕེལ་འདོད་པས།། སྦྱོར་སྒྲོལ་ཚོགས་ཀྱི་མཆོད་པ་བཤམ།། ཁྲོ་བོའི་དཀྱིལ་འཁོར་བཞེངས་སུ་གསོལ།། ཁྲོ་བའི་རྫས་དང་ལོངས་སྤྱོད་བསགས།། ཁྲོ
89b4 བོཔོའི་ཕྲིན་ལས་རྫོགས་པར་བྱའོ།། གསང་སྔགས་བྱིན་བརླབ་ལྡན་པར་བྱ།། བསྒྲལ་བའི་མཆོད་པ་འདི་སྐད་དོ།། ཧཱུཾ། བདག་ཉིད་པདྨ་གར་ལྡན་པས།། ཐབས་མཁས་པདྨ་དབང་ཆེན་གྱིས། འགྱིངས་པའི་སྟབས་ཀྱིས
89b5 གར་བྱས་པས།། བསྒྲལ་བའི་རྒྱུ་རྣམས་དབྱིངས་སུ་བསྒྲལ།། བསྒྲལ་བའི་རྒྱུ་ལ་བསམ་ཡས་ཀྱང་།། སྲོག་ཅན་དང་ནི་སྲོག་མེད་རྒྱུ།། འདི་ནི་སྲོག་མེད་རྒྱུ་ཡིན་པས།། གིང་ཆེན་ཤེས་རབ་ཐབས་ལྡན་པས།། གཟུང
89b6 འཛིན་རྐང་པ་བསྣོལ་ནས་ནི།། གཉིས་མེད་བྱང་ཆུབ་སེམས་སུ་བསྒྲལ། པྲ་བེ་ཤ་ཡ་ཧཱུཾ་ཨཱ་བེ་ཤ་ཡ་ཨཱ་བེ་ཤ་ཡ་ཕཊ་ཕཊ། དེ་ལྟར་ཚོགས་དེ་བསྒྲལ་བྱས་ལ།། ཆ་གསུམ་དག་ཏུ་གཅད་པར་བྱ།། རྡོ་རྗེ་རྒྱལ་པོས་ལས
iiif viewer powered by OpenSeadragon
