| e-texts navigator |
| Wylie |
89a1 མཆོག་ཚོགས་འདི་ནི།། ཡབ་ཡུམ་གཉིས་མེད་ཚུལ་གྱིས་བཞེས་སུ་གསོལ།། བྱང་ཕྱོགས་འཁོར་ལོའི་རྩིབས་སྟེང་ན།། དོན་ཡོད་གྲུབ་པ་གཉིས་མེད་གར་བསྒྱུར་ཞིང་།། འདུ་འབྲལ་མེད་པའི་ཚུལ་དུ
89a2 ཡབ་ཡུམ་སྦྱོར།། ལོངས་སྤྱོད་མ་ལུས་འདུས་པའི་རྫས་ཆེན་འདི།། བདག་ཉིད་མཉམ་པར་བཞག་པའི་ཚུལ་འདིས་འབུལ་ལགས་ན།། ཡབ་ཡུམ་གཉིས་མེད་ཚུལ་གྱིས་བཞེས་སུ་གསོལ།། བྱང་ཤར་འཁོར་ལོའི
89a3 རྩིབས་སྟེང་ན།། རྡོ་རྗེ་སེམས་དཔའ་གཉིས་མེད་གྱུར་པའི་ཚུལ།། ཕྱག་ན་རྡོ་རྗེ་དཔའ་བོའི་ཚུལ་གྱིས་བསྟན།། སྤྱན་རས་གཟིགས་དབང་འགྲོ་བ་སྟོབས་ཀྱིས་འདུལ།། སྐུ་མདོག་འོད་ཟེར་ལྔ་ཡི་ཕྲེང་བ་ཅན།། དགྱེས
89a4 ཏེ་འཛུམ་པའི་ཚུལ་གྱིས་གླུ་བླངས་པས།། སེམས་དཔའི་ཚོགས་ལ་གཉིས་མེད་མཆོད་པར་འབུལ།། པི་ཝང་སྒྲ་དང་གླིང་བུའི་སྒྲ་འབྱིན་པ།། སྣ་ཚོགས་སྒྲ་ཡི་མཆོད་པ་དམ་པ་འབུལ།། རྫས་དང་ལོངས་སྤྱོད་ཐམས
89a5 ཅད་མཆོད་པའི་མཐུས།། སེམས་དཔའ་སེམས་མ་རྣམས་ལ་མཆོད་པར་འབྲལ།། རིན་ཆེན་སེམས་དཔའ་པད་མའི་སེམས་དཔའ་དང་།། ཆོས་ཀྱི་སེམས་དཔའ་ལས་ཀྱི་སེམས་དཔའ་ལ།། གཉིས་མེད་མཐུན་སྦྱོར
89a6 ཚོགས་མཆོད་དམ་པ་འབུལ།། ཕྱོགས་སྐྱོང་ཡབ་ཡུམ་དང་ནི་ཐུབ་པ་དྲུག། ཞི་བའི་ལྷ་ཚོགས་ཀུན་ལ་མཆོད་པར་འབུལ།། གཟུགས་དང་སྒྲ་དང་དྲི་དང་རོ།། འདོད་ཡོན་ལྔ་ལྡན་མཆོད་པར་འབུལ།། ཨ་ལི་ཨུ་ལི་ཧཱ་ལི
iiif viewer powered by OpenSeadragon
