| e-texts navigator |
| Wylie |
88a1 ཉིད་ཏིང་འཛིན་ལྡན་བྱས་ལ།། ཞག་གསུམ་ཚོགས་ཀྱི་འཁོར་ལོ་བསྐོར།། དུས་བཞིར་ཚོགས་ཀྱི་རྒྱུན་མི་གཅད།། དེ་ལྟར་ཏིང་འཛིན་བྱིན་བརླབས་ནས།། ཚོགས་རྣམས་སྤྱན་དྲང་འདི་སྐད་དོ།། ལྕགས
88a2 ཀླུའི་ཕྱག་རྒྱ་ཐུགས་ཀར་བཅའ།། ལྕགས་ཀྱུའི་བར་ནས་ཛཿའཕྲོས་པས།། ཞི་བའི་ལྷ་ཚོགས་སྤྱན་དྲངས་བསམ།། དེ་ནས་སྤྱན་དྲངས་འདི་སྐད་དོ།། ཧཱུཾ། བདེ་བར་གཤེགས་སོ་རིགས་ལྔའི་ཚོགས།། རྒྱལ་བ་རྒྱ
88a3 མཚོ་འཁོར་དང་བཅས།། སེམས་དཔའ་དང་ནི་སེམས་མ་དང་།། ཐུབ་དྲུག་ཀུན་བཟང་ཡབ་ཡུམ་དང་། སྒོ་བ་ཡབ་ཡུམ་འཁོར་བཅས་དང་།། ཞི་བའི་ཕོ་བྲང་འཁོར་བཅས་རྣམས།། ཚོགས་ཀྱི་གནས་འདིར་གཤེགས
88a4 སུ་གསོལ།། ཚོགས་མཆོག་དཀྱིལ་འཁོར་སྤྱན་འདྲེན་གྱིས།། རིན་ཆེན་གར་དང་གཟི་མདངས་འཕྲོ་བའི་ཚུལ།། ཚོགས་ཀྱི་མཆོད་པ་རབ་འབྱམས་མ་ལུས་ཀུན།། ལོངས་སྤྱོད་ཚོགས་ཀྱི་གནས་འདིར་གཤེགས་སུ
88a5 གསོལ།། གཉིས་མེད་འཁྲིལ་སྦྱོར་ཡུམ་བཅས་གཤེགས་སུ་གསོལ།། དེ་ནས་ཚོགས་བསྒྲལ་བ་ནི།། རལ་གྲིའི་ཕྱག་རྒྱ་བཅའ་ལ།། ཚོགས་ནི་དུམ་བུར་གཏུབ་བྱེད་ལ།། བསྒྲལ་བའི་མཆོད་པ་འདི་སྐད་དོ།། ཧཱུཾ།།
88a6 ཚོགས་རྗེ་ཚོགས་བདག་དབང་དང་ལྡན།། སློབ་དཔོན་འཁོར་བཅས་དགོངས་སུ་གསོལ།། གཉིས་མེད་དབྱིངས་ལས་བསྐྱེད་པ་ཡི།། ཞི་བའི་ལྷ་ཚོགས་དགོངས་སུ་གསོལ།། བདག་ཉིད་དཔའ་བོའི་སྟོབས་དག
iiif viewer powered by OpenSeadragon
