| e-texts navigator |
| Wylie |
87b1 རྒྱ་གར་སྐད་དུ། དུ་པ་སརྦ་གྷ་ན་སུ་ཀ་ནཱ་མ། བོད་སྐད་དུ། ཐམས་ཅད་སྒྲོལ་བྱེད་ཚོགས་ཀྱི་ལུང་ཞེས་བྱ་བ། བཅོམ་ལྡན་འདས་རིགས་ལྔ་འཁོར་དང་བཅས་པ་ལ་ཕྱག་འཚལ་ལོ།། དེ་ནས་བཅོམ་ལྡན་འདས
87b2 པདྨ་དབང་གི་སྤྱན་སྔར་རིགས་ལྔའི་དེ་བཞིན་གཤེགས་པ་རྣམས་ཀྱིས།། བཏུད་དེ་ཐལ་མོ་སྦྱར་ནས། རང་རང་གི་འཁོར་འཁོས་ཏེ། ཚོགས་ཆེན་པོའི་མཆོད་པ་འདི་སྨྲས་སོ།། ཀྱེ་སེམས་དཔའ་ཆེན་པོ་ཉོན། གང་དག
87b3 མི་ཡི་རིགས་རྣམས་ཀུན།། འཁོར་དང་ལོངས་སྤྱོད་ཉམས་པ་དང་།། ལོངས་སྤྱོད་ཆུང་བར་གྱུར་པ་དང་།། རྒྱུ་ཡི་ཚོགས་ལ་བརྟེན་འདོད་ན།། བསོད་ནམས་སྐྱེ་བར་འདོད་པ་ཡིས།། ཚོགས་ཀྱི་མཆོད་པ་བཤམ་པར
87b4 བྱ།། ཕྱི་མཚམས་སྤྱི་བཤགས་རྫོགས་བྱས་ལ།། ཞི་བའི་དཀྱིལ་འཁོར་བཞེངས་སུ་གསོལ།། རྫས་དང་ཡོ་བྱད་ཅི་འབྱོར་བཤམས།། ཁ་ཟས་འབྱོར་བཤམས་སྣ་ཚོགས་པའོ།། དཀྱིལ་འཁོར་དེ་ཡི་དབུས་དག
87b5 ཏུ།། ཟངས་ཆེན་ནང་དུ་ཚོགས་ཀྱིས་བཀང་།། ཀ་ར་བུ་རམ་ལ་སོགས་པའི།། དཀར་དང་གཙང་མའི་གཏོར་མ་དང་།། བཤོས་ཟན་བརྒྱ་དང་རྩ་བརྒྱད་དང་།། ཞི་བའི་ལྷ་ཚོགས་མཉེས་པ་ཡི།། རྫས་ནི་སྣ་ཚོགས
87b6 གཞག་པར་བྱའོ།། དེ་ལྟར་སྔོན་འགྲོ་རྫོགས་ནས་ནི།། ཞི་བའི་ཕྲིན་ལས་རྫོགས་བྱ་ཞིང་།། མཆོད་པ་སྣ་ཚོགས་དབུལ་བར་བྱ།། བསྒྲུབ་པའི་རྫས་དེ་ཐམས་ཅད་ལ།། ཡི་གེ་འབྲུ་གསུམ་བྱིན་གྱིས་བརླབས།། བདག
iiif viewer powered by OpenSeadragon
