| e-texts navigator |
| Wylie |
87a1 ཀྱིས་འཁོར་བའི་གཅོང་རོང་འདོན།། རྩི་ཡིས་ཡེ་ཤེས་ཐབས་ལ་སྨོན།། བདུད་ནི་འཁོར་བ་ཆེན་པོ་ལ།། རྩི་ཡིས་ཆོས་ཉིད་དོན་ལ་སྐྱེལ།། བདུད་རྩིའི་དོན་དག་གད་རྒྱངས་ཆེ།། བདུད་ནི་བར་ཆོད
87a2 བགེགས་ཆེན་ལ།། རྩི་ཡིས་ཆེ་མཆོག་ལྟ་བུར་འགྱུར།། བདུད་ནི་ཁུ་རླངས་སྤྲིན་ལྟ་བུར། ཉི་མ་ལྟ་བུའི་རྩི་བཏབ་ནས།། ཡེ་ཤེས་དོན་ལ་ཐོགས་པ་མེད།། བདུད་ནི་མུན་ཁུང་ལྟ་བུ་ལ།། མར་མེ་ལྟ་བུའི་རྩི་བཏབ
87a3 ནས།། སྣང་བ་ཐམས་ཅད་ཐོགས་མེད་འགྱུར།། ཀྱེ་མ་ཆེ་མཆོག་ཧེ་རུ་ཀ། ནམ་མཁའ་ལྟ་བུའི་རྩི་ཆེན་ལ།། སྤྲིན་ཕུང་ལྟ་བུའི་བདུད་ཀྱིས་བསྒྲིབས།། ཤེལ་སྒོང་ལྟ་བུའི་རྩི་འདི་ལ།། དྲི་མ་ལྟ་བུའི
87a4 བདུད་ཀྱིས་བསྒྲིབས།། བདུད་རྩི་ཆེན་པོ་མཆོག་གི་ལུང་།། འདི་ནི་སྣང་བ་གོ་འབྱེད་པའོ།། མ་རིག་བདུད་ལ་རིག་པ་རྩིའི།། རྒྱ་ཡིས་བཏབ་ཅིང་འགྱུར་བ་མེད།། དེ་བཞིན་བདུད་རྩིའི་སྦྱོར་བ་འདི།། ཧེ་རུ་ཀ་ཡིས་རབ
87a5 ཏུ་གསུངས།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། དབང་ཐམས་ཅད་ཀྱི་དེ་བཞིན་ཉིད་བསྟན་པའི་རྒྱུད། བདུད་རྩི་ཐལ་སྦྱོར་གྱི་ལུང་བསྟན་པའི་ལེའུ་སྟེ་བཅུ་གཉིས་པའོ།། རྫོགས་སོ།། །།
iiif viewer powered by OpenSeadragon
