| e-texts navigator |
| Wylie |
80a1 པར་གསུངས།། གང་ཞིག་ལོངས་སྤྱོད་ཉམས་པ་ཡིས།། འདི་ལྟར་སྤྱད་ན་དངོས་གྲུབ་འབྱུང་།། ཚེ་དང་བསོད་ནམས་རྒྱས་པར་འཕེལ།། སྐྱེ་དང་མི་སྒོའི་སྡུག་བསྔལ་བྲལ།། འདིས་ནི་བསམ་པ་ཉེ་བར
80a2 འགྲུབ་པའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ཐམས་ཅད་ཟློག་བྱེད་མཚོན་ཆའི་ལེའུ་སྟེ་བཅུ་གཅིག་པའོ།། རྫོགས་སོ།། །། @#།། རྒྱ་གར་སྐད་དུ། སརྦ་མ་ཁ་སུ་ར་ཨ་མ་ཐ་ག
80a3 སུ་ནཱ་མ། བོད་སྐད་དུ། བདུད་རྩི་ནང་དུ་ཐམས་ཅད་སྦྱོར་བའི་ལུང་ཞེས་བྱ་བ། བཅོམ་ལྡན་ཆེ་མཆོག་ཧེ་རུ་ཀ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་དེ་ཉིད་ཆེ་མཆོག་ཧེ་རུ་ཀ་ཞེས་བྱ་བར་གྱུར་ནས། བདུད
80a4 རྩི་ཐལ་བའི་སྦྱོར་བའི་ལེའུ་འདི་གསུངས་སོ།། ཀྱེ་མ་ཀོའུ་རཱི་འཁོར་རྣམས་ཉོན།། ཁམས་གསུམ་རྣམ་རྒྱལ་ཡུམ་ཉིད་ཀྱིས།། བྷ་གའི་དབྱིངས་ནས་བཀའ་སྩལ་པ།། བདུད་རྩི་སྦྱོར་བ་འདི་ཉིད་ལས།། སྦྱོར་བ་དམ་པ
80a5 འདི་ལྟ་སྟེ།། སྐུ་ཡི་སྦྱོར་བ་བདུད་རྩི་འདི།། ཐང་ལས་བྱུང་བའི་བདུད་རྩི་དང་།། ནམ་མཁའ་དག་ལས་བྱུང་བ་དང་།། དེ་བཞིན་རང་ལས་བྱུང་བ་དང་།། སྣ་ཚོགས་དག་ནི་རྫས་བསགས་ལ།། སྨན་ནི་རྣམ་པ་ཅི་སྙེད
80a6 དང་། དེ་བཞིན་དུག་ཀྱང་རབ་ཏུ་གསུངས།། དུག་ལྔ་བདུད་རྩིའི་སེལ་བའི་ཕྱིར།། རྩ་བ་ལྔ་ཡི་སྦྱོར་བ་ལས།། ཡན་ལག་བསམ་གྱིས་མི་ཁྱབ་བསྟན།། སྦྱོར་བའི་རྫས་ཀྱི་ཐེམ་ལས་ནི།། ཨོཾ་དང་ཨཱ་དང་ཧཱུཾ་དག
iiif viewer powered by OpenSeadragon
