| e-texts navigator |
| Wylie |
7b1 པ་འདི་བསྟན་གྱིས། ལེགས་པར་ཉོན་ཅིག་ཅེས་གསུངས་པས། དེ་ནས་འཁོར་རྣམས་རབ་ཏུ་དགའ་སྟེ་འདི་སྐད་བརྗོད་དོ།། ཨེ་མ་ཧོ།། ལེགས་སོ་བདག་ཅག་རྣམས་ཀྱི་ལེགས་པར་བཟུང་། དཔའ་བོ་ཆེན་པོས
7b2 བཀའ་སྩོལ་ཅིག། དེ་ནས་དབང་ཆེན་དེ་ཉིད་ཀྱིས།། ཉེ་བའི་འཁོར་ལ་བཀའ་སྩལ་པ། ཀྱེ་ཀྱེ་འདུས་པའི་འཁོར་ཚོགས་ཉོན།། གནས་ཀྱི་ཆོ་ག་ཆེན་མོ་ནི།། ང་ཡིས་ལགས་པར་བཤད་པར་བྱ།། སེམས་ཅན་ལས་ཀྱིས
7b3 མནར་བ་ཡི།། དབང་པོ་རབ་འབྲིང་ཐ་མ་གསུམ།། ཤིན་ཏུ་རྒྱས་པ་འདི་ལྟ་སྟེ།། དབང་པོ་ཉི་ཤུ་རྩ་གཅིག་གོ། ཡང་གསོལ་པ། སེམས་ཅན་ལས་ཀྱི་མནར་དེ་ཡི།། བར་དོའི་གནས་ལུགས་ཅི་ལྟར་ལགས།། རྡོ་རྗེ
7b4 འཆང་གིས་བཀའ་སྩལ་པ།། སེམས་ཅན་ཀུན་གྱི་ལམ་ཆེན་ནི།། བར་དོའི་སྣང་བ་ཆེན་པོ་ཡིན།། རྣམ་པ་བཞི་རུ་ང་ཡིས་གསུངས།། རང་བཞིན་གནས་པའི་བར་དོ་དང་།། ཆོས་ཉིད་རང་སྣང་བར་དོ་དང་།། རྨི་ལམ
7b5 འཛིན་པའི་བར་དོ་དང་།། སྲིད་པ་འཁྱམས་བྱེད་པར་དོའོ།། རང་བཞིན་གནས་པའི་བར་དོ་ལ།། ཆོས་ཉིད་གསང་བའི་དོན་རྟོགས་ནས།། གང་ལ་མ་ཆགས་ཤེས་རབ་ཕ་རོལ་ཕྱིན།། དེ་ནས་ལུས་འདི་བོར་བ
7b6 དང་།། ཆོས་ཉིད་རང་སྣང་བར་དོ་ལ།། གཉིས་སུ་མེད་པར་གནས་ནས་ནི།། ཞག་ནི་རྣམ་བདུན་སྡོད་པར་ངེས།། དེ་ཚེ་སེམས་ཅན་ཆེན་པོ་དེ།། ཆོས་ཉིད་མ་ལ་རབ་གནས་ཏེ།། སེམས་དང་རིག་པའི་ཡེ་ཤེས
iiif viewer powered by OpenSeadragon
