| e-texts navigator |
| Wylie |
7a1 བར་གྱུར་ནས་ཀྱང་།། ཡེ་ཤེས་སྣང་བ་གསལ་བར་སྟོན།། དག་པའི་ཡེ་ཤེས་བདུད་རྩི་འདིས།། དྲི་མའི་སྐྱོན་རྣམས་བྱང་བ་དང་།། མི་གཙང་ལ་སོགས་ཉམས་པ་ཀུན།། ཤེལ་སྒོང་ལྟ་བུར་གྱུར་ནས
7a2 ནི།། རྣམ་འཇོམས་ཉིད་ཀྱི་སྐུ་གསུང་ཐུགས།། རིགས་ཀྱི་བུ་ལ་རྫོགས་པར་ཤོག། ཨོཾ་ཙཎྜ་བཛྲ་ཀྲོ་དྷ་ཀཱ་ཡ་ཧཱུཾ་ཧཱུཾ་ཧྲིཿདེ་ནས་གཏོར་མས་དབང་བསྐུར་བྱ།། གཏོར་མ་གཏོང་ཞིང་དཀྱིལ་འཁོར་བསྡུ།། ཞེས་རྫོགས་པ
7a3 རང་བྱུང་ཆེན་པོའི་རྒྱུད་ལས། ཁྲུས་ཀྱི་ལེའུ་སྟེ་གཉིས་པའོ།། །། @#།། རྒྱ་གར་སྐད་དུ། མ་ཧཱ་སུ་ཀ་ས་པི་ཡ་དུར་ན་མ། བོད་སྐད་དུ། གཤིན་གྱི་གནས་ལུང་ཆེན་མོ་ཞེས་བྱ་བ། བཅོམ་ལྡན
7a4 འདས་དཔལ་མཉམ་པའི་རྒྱལ་པོ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་དཔལ་པདྨའི་རྒྱལ་པོ་དེ་ཉིད་ཀྱིས། སེམས་ཅན་ཚེ་འདས་པའི་སེམས། རིག་པ་ངོ་སྤྲད་པའི་ཆོ་ག་དང་། རིགས་དྲུག་ནས་དྲངས་ཤིང
7a5 ལམ་སྟོན་པ་འདི་གསུངས་སོ།། ཕྱོགས་བཅུ་ན་གནས་པའི་ལྷ་དང་། ཀླུ་དང་། ལྷ་མ་ཡིན་དང་། མི་དང་། བྱང་ཆུབ་སེམས་དཔའི་འཁོར་རྣམས་ལ་རབ་ཏུ་བོས་ཏེ་འདི་གསུངས་སོ།། ཀྱེ་འདུས་པའི་ཚོགས་ཕལ་ཆེར་ང
7a6 ལ་ཉོན་ཅིག། སེམས་ཅན་ཐམས་ཅད་སྡུག་བསྔལ་ལ་ཆགས་ཤིང་། སྡུག་བསྔལ་ལ་སྤྱོད་པའོ།། ཚེ་འདས་པའི་སྡུག་བསྔལ་དང་། རྣམ་རྟོག་སྦྱོང་བའི་ཕྱིར། ངས་ཚེ་འདས་པ་བར་དོ་ལས་འདས་པའི་ལམ་དུ་ལུང་བསྟན
iiif viewer powered by OpenSeadragon
