| e-texts navigator |
| Wylie |
51a1 རྒྱ་གར་སྐད་དུ། ཨེ་དུབ་མ་བུ་རི་ཁ་མ་ཧཱ་ནི་སུ་ཁ་ན་མ། བོད་སྐད་དུ། རོ་ལངས་གསེར་དུ་སྒྲུབ་པའི་ལུང་ཞེས་བྱ་བ། བཅོམ་ལྡན་འདས་དབང་ཆེན་རང་གནས་ཀྱི་སྐུ་ལ་ཕྱག་འཚལ་ལོ།། དེ་ནས་བཅོམ
51a2 ལྡན་འདས་དབང་ཆེན་གྱི་སྐུའི་སྤྱན་སྔར། བུདྡྷ་ཧེ་རུ་ཀས། རོ་ལངས་གསེར་དུ་བསྒྲུབ་པ་འདི་སྨྲས་སོ།། ཨེ་མ་ཧོ།། ཕྱོགས་བཅུའི་ལྷ་དང་ཀླུ་རྣམས་ཉོན།། རྣལ་འབྱོར་གང་ཞིག་སྟོབས་ལྡན་པས།། དབེན་པའི
51a3 གནས་སུ་རབ་སོང་ལ།། རོ་ལངས་གསེར་གྱི་སྒྲུབ་པ་བརྩམ།། ཤིན་ཏུ་དབེན་པའི་གནས་དེར་ཡང་།། དཀྱིལ་འཁོར་འདོམ་གང་གྲུ་བཞི་བྱ།། དེ་ནས་ཆག་ཆག་རབ་བཏབ་ལ།། ཕྱི་ནང་གསང་བའི་མཚམས་ཉིད
51a4 བཅད།། ཕྱི་མཚམས་གཅད་པར་བྱ་བ་ནི།། གནས་ཀྱི་ཕྱོགས་བཞི་དག་ཏུ་ཡང་།། རྒྱལ་ཆེན་དག་ལ་མཐོ་བཞི་སྟེ།། གཏོར་མ་ཆ་རེ་མཐོ་རྩར་བཏང་།། ཤོག་བུ་སོར་བཞི་པ་རེ་ལ།། རྒྱལ་ཆེན་བཞི་ཡི་སྔགས་བྲིས
51a5 ལ།། རང་རང་ཕྱོགས་ཕྱོགས་དག་ཏུ་དགོད།། དེ་ནི་ཕྱི་ཡི་མཚམས་སུ་བསྟན།། ནང་མཚམས་བཅད་པ་འདི་ལྟ་སྟེ།། ཁྲོ་བོ་བཅུ་ཡི་སྔགས་ཀྱིས་བཅད།། གསང་པ་འཁོར་ལོ་མཚོན་ཆས་བཅད།། གཏོར་མ
51a6 ཆ་གསུམ་རབ་ཏུ་བཏང་། གཏོར་མ་ཆ་གསུམ་མེད་པ་ན།། གསེར་སྐྱེམས་དག་ནི་རྒྱས་པར་བཏང་།། ཆབ་གཏོར་ནུས་ཚད་དག་ཏུ་བཏང་།། དེ་ལྟར་མཚམས་བཅད་རྫོགས་པ་དང་།། འབྲུ་ལྔའི་ཆོ་ག་རྫོགས་པར
iiif viewer powered by OpenSeadragon
