| e-texts navigator |
| Wylie |
50b1 དག་འོད་འབར་བསམ།། དེ་བཞིན་གཤེགས་པ་ཐམས་ཅད་ཀྱི།། སྐུ་ཡི་ཡི་གེ་ཨོཾ་དུ་འདོད།། གསུང་གི་ཡི་གེ་ཨཱཿརུ་གསལ།། ཐུགས་ཀྱི་ཡི་གེ་ཧཱུཾ་ཡིན་པས།། སྐུ་གསུང་ཐུགས་སུ་གསལ་བར་བསྒོམ།། དེ་ནས་ཚ་ཚ
50b2 གདབ་པའི་སྔགས།། འདི་ཉིད་རབ་ཏུ་བརྗོད་པར་བྱ།། ཨོཾ་ཨཱཿཧཱུཾ། བཻ་རོ་སྭཱ་ཧཱ། ཡཱ་ཧཱུཾ་ཕཊ། དེ་ལྟར་ཚ་ཚ་བཏབ་ནས་ནི།། རབ་ཏུ་གནས་པའི་གསང་སྔགས་བཟླས།། སྔགས་འདིས་རབ་ཏུ་གནས་པའོ།། ཨོཾ་ཨེ་དྷརྨ་ཤཱ
50b3 ཏ་ཐཱ་ག་ཏ། ཡོ་ནི་ཨེ་བཾ་ཏིཥྛ་ལྷན། སི་ཏི་ཧཱུཾ་ཧཱུཾ། དེས་ནི་རབ་ཏུ་གནས་པ་དང་།། ལྷ་ཚོགས་བརྟན་པར་བཞུགས་པར་བསམ།། དབང་བསྐུར་ཕྱག་རྒྱ་འདི་ལྟ་སྟེ།། ཁྱུང་གཤོག་ལྟ་བུའི་ཕྱག་རྒྱ་ཡིས།། དབང་བསྐུར
50b4 བརྟན་པར་བཞུགས་སུ་གསོལ། ཡེ་དྷ་ར་ཡིན་ནམ།། དེ་ལྟར་བྱིན་བརླབ་རྫོགས་ནས་ནི།། ཆུ་བོ་དག་ལ་ཚ་ཚ་བསྐྱལ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། དུར་གདབ་ཚ་ཚའི་ལུང་བསྟན་པའི་ལེའུ་སྟེ་བརྒྱད
50b5 པའོ།། རྫོགས་སོ།། །།
iiif viewer powered by OpenSeadragon
