| e-texts navigator |
| Wylie |
49b1 ཅིང་གནས་ལུགས་བསྟན།། སྐུ་གསུམ་བརྗོད་ཅིང་ཐིག་ལེར་གཞུག། ཞིང་ཁམས་བསྟན་ཞིང་སྐུ་བསྟན་བྱ།། ལྷ་ཡི་ངོ་བསྟན་ཡེ་ཤེས་དབབ།། རྒྱུ་རྐྱེན་དབྲལ་ཞིང་རིག་པ་གཙུན།། རང་བཞིན་ཉིད་དང་ངོ་བོ
49b2 བསྟན།། སྣང་བ་གསལ་ཞིང་སྒྲིབ་པ་སྦྱང་།། གཉིས་མེད་ལྷ་དང་དབྱེར་མེད་བསམ།། དུས་དང་གནས་དང་ཡེ་ཤེས་བསྟན།། ས་ལམ་སྦར་བ་རབ་ཏུ་བཤད་པའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས།། རོ
49b3 བསྲེགས་ཐལ་བའི་ལུང་བསྟན་པའི་ལེའུ་སྟེ་བདུན་པའོ།། རྫོགས་སོ།། །། @#།། རྒྱ་གར་སྐད་དུ། བྷ་ར་བྷི་བྷི་ནཱ་མ། བོད་སྐད་དུ། དུར་གདབ་ཚ་ཚའི་ལུང་ཞེས་བྱ་བ།། བཅོམ་ལྡན
49b4 འདས་རིག་པ་དབང་གི་ལྷ་ལ་ཕྱག་འཚལ་ལོ།། དེ་ནས་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དབང་གི་སྐུ།། དེ་བཞིན་གཤེགས་པ་ཐམས་ཅད་ཀྱི།། སྐུ་གདུང་རྟེན་ནི་གང་ལ་བགྱི།། ཉེ
49b5 བའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་དབང་ཆེན་དེ་ཉིད་ཀྱིས།། གོས་སྔོན་ཅན་ལ་བཀའ་སྩལ་བ།། ཀྱེ་མ་གསང་བའི་བདག་པོ་ཉོན།། རྣལ་འབྱོར་ཏིང་འཛིན་ལྡན་པ་ཡིས།། དབེན་པའི་གནས་སུ
49b6 བདེར་འདུག་ལ།། སྐུ་གདུང་རྟེན་དང་མཆོད་རྟེན་གདབ།། བདག་དང་གཞན་གྱི་དོན་ཡང་རུང་།། མཐར་ཕྱིན་ངེས་པའི་ཐབས་འདི་བརྩམ།། དབང་ཆེན་སྐུ་དང་གཉིས་མེད་ཅིང་། སྤྱན་རས་གཟིགས་ཀྱི་ཏིང
iiif viewer powered by OpenSeadragon
