| e-texts navigator |
| Wylie |
49a1 འབར།། འདོད་ཆགས་འཇོམས་པའི་མེ་ནི་དམར་ནག་འབར།། ཕྲག་དོག་འཇོམས་པའི་མེ་ནི་ལྗང་ནག་འབར།། ང་རྒྱལ་འཇོམས་པའི་མེ་ནི་སེར་ནག་འབར།། མེ་ཡི་བསྐལ་པ་མུན་ནག་གློག་ལྟར
49a2 འཁྱུག། དུར་ཁྲོད་མེ་རི་སྣ་ཚོགས་ཀུན་དུ་འབར།། ཉོན་ཅིག་ཚེ་འདས་རིགས་ཀྱི་བུ།། སྣ་ཚོགས་མེ་ཡིས་ཁྱོད་ཀྱི་སྡུག་བསྔལ་སྦྱོང་།། ཤེས་རབ་ཆེན་པོ་ཡུམ་གྱི་མེ་བྱུང་བས།། འཁོར་བའི་སྡུག་བསྔལ་ཡེ་ཤེས་ཆེན་པོར
49a3 བསླང་། སྒྲིབ་དང་ཉོན་མོངས་ནད་རྣམས་ཞི་བར་མཛོད།། ཨེ་ཨགྣི་སྥར་ཎ་ཧཱུཾ་ཧཱུཾ་ཕཊ་ཕཊ། ཨ་ཨ་རམ་རམ་སྭཱ་ཧཱ། དེ་ལྟར་མཆོད་པའི་རིམ་རྫོགས་ནས།། བསྐང་གསོའི་ཆོ་ག་རྒྱས་པར་བྱ།། བཤགས་པ་བྱ་ཞིང
49a4 དབང་རྫོགས་བྱ།། གནས་བསྲུང་བ་དང་ལམ་ཉིད་བསྟན།། གཏོར་མ་བཏང་བཞིན་ལྷ་ཚོགས་བསྟིམ།། མེ་ལྷ་བསྟིམ་དང་སྔགས་ཉིད་བཟླས།། རིག་པ་བསྐུལ་ཞིང་སྟོང་ཉིད་བསྒོམ།། ཆོས་སྐུ་ངོས་བསྟན་གཉིས་མེད
49a5 བསམ།། སྐུ་གསུམ་གཞི་རྫོགས་རང་འོད་སྐུ།། རང་བཞིན་གསལ་སྣང་རིག་པའི་ངང་།། ཆོས་ཉིད་ཡུལ་དང་གསང་མཚན་འཕོད།། མིང་ནས་འདོན་ཞིང་ལས་གྲུབ་བྱ།། དཀྱིལ་འཁོར་བསྡུ་ཞིང་ས་རྣམས་རློག། ཕྱིས
49a6 ནི་ལྡང་མེད་འདྲེ་མནན་གདབ།། དཀྱིལ་འཁོར་གསོ་ཞིང་གསང་སྔགས་བཟླས།། རྒྱུ་རྣམས་སྦྱངས་ཤིང་སྐྱེ་རྒྱུན་གཅོད། གནས་ནས་སྦར་ཞིང་ཕཊ་ཅེས་བཟླས།། ཤེས་པ་བསྡུ་ཞིང་ཧཱུཾ་གིས་བསྐྱེད།། གཤེད་བྱེད་བསྐྲད
iiif viewer powered by OpenSeadragon
