| e-texts navigator |
| Wylie |
364b1 མཚར་ཆེན་པོའི་ཚིག་གིས་རབ་ཏུ་ཚིམས་ནས། སྣང་བ་ཐམས་ཅད་ངོ་མཚར་ཆེན་པོར་ཤར་ནས།། རང་སྣང་རང་གྲོལ་རང་ཐོབ་ནས། སྐུ་རྡོ་རྗེ་དང་གཉིས་སུ་མེད་པར་གྱུར་ཏོ།། སྟོན་པ་ཉིད་ཀྱིས་མ་གསུངས
364b2 པའི་གད་མོ་ཆེན་པོ་རང་ལ་བརྒད་པས། རང་ལ་རང་ངོ་མཚར་སྐྱེས་སོ།། ཞེས་རིན་པོ་ཆེ་སྤངས་པའི་རྒྱན་ཞེས་བྱ་བ་རྒྱུད་ཀྱི་རྒྱལ་པོ་ལས་ངོ་མཚར་མཆོག་གི་ལེའུ་སྟེ་གཉིས་པའོ།། །། དེ་ནས་སངས
364b3 རྒྱས་ཐམས་ཅད་ཀྱི་གསུང་གི་རྡོ་རྗེས་འདི་སྐད་ཅེས་གསོལ་ཏོ།། ཀྱེ་མ་སྟོན་པ་ཀུན་ཏུ་བཟང་། གཞི་ཞེས་འཆར་ཚུལ་ཇི་ལྟ་བུ།། ཡོན་ཏན་འཆར་ཚུལ་ཇི་ལྟ་བུ།། ཡོན་ཏན་འཆར་སྒོ་གང་ཙམ་ལགས།། སྟོང་པ་ཉིད་ལ
364b4 ཇི་ལྟ་བུའི།། ཡོན་ཏན་རྫོགས་ཚུལ་བདག་ལ་གསུངས།། དེ་ནས་ཉིད་ཀྱིས་བཀའ་སྩལ་པ།། སྐྱེ་བ་མེད་པའི་ཆོ་འཕྲུལ་ལས།། སངས་རྒྱས་རྣམས་ཀྱི་མཛད་པ་རུ།། ཡེ་ནས་འབྱེད་པ་མེད་པར་ནི།། མ་འགགས་འགག
364b5 པ་མེད་པར་ཡང་།། སྣང་བ་ཉིད་ནི་ཡེ་དག་པར།། རང་གི་ངོ་ལ་གནས་པ་སྟེ།། མི་མཇེད་ཐུགས་རྗེ་ཆེན་པོ་ལས།། ལྷུན་གྲུབ་དག་གདགས་པ་ཀྱང་། ལ་མ་ངེས་པར།། འཆར་བྱེད་བརྒྱད་ཀྱི་ཚུལ་དུ་བྱུང་།། དེ་ནི་སྣང
364b6 ཚུལ་མ་འགགས་པས།། ཐུགས་རྗེ་ལྟ་བུའི་འཆར་ཚུལ་ལས།། སེམས་ཅན་ཀུན་གྱི་སྐྱོབ་པའི་གནས།། སྣང་བ་རང་གསལ་འགག་མེད་པས།། འོད་ལྔའི་གསལ་བྱེད་ཚུལ་དུ་སྣང་།། མཁྱེན་པའི་སྣང་ཆ་མ་འགགས
iiif viewer powered by OpenSeadragon
