| e-texts navigator |
| Wylie |
35b1 མོངས་པ་ཞེ་སྡང་ཆེར་སྤྱད་པ་ལྟུང་བའི་གནས་ཡོད་དེ། དེ་རུ་ཅི་སྲིད་ལྷུང་སྲིད་ན། བསྐལ་པ་ལྔ་བརྒྱའི་བར་དུ་ཐར་པའི་ཐབས་མེད་པས།། དེར་ཚེ་ལས་འདས་པ་ཁྱོད་ཀྱིས་ཉོན་མོངས་པ་ཞེ་སྡང་ལ་སྤྱད་པའི་དབང
35b2 གིས། དམྱལ་བའི་གནས་དེར་ལྷུང་སྲིད་ན། ཞིང་ཁམས་དེ་འདུལ་བའི་ཐུབ་པ་གཤིན་རྗེ་ཆོས་ཀྱི་རྒྱལ་པོ་ཞེས་བྱ་བ་ཡོད་ཀྱིས། དེའི་ཚེ་ཁྱོད་ཀྱིས་སངས་རྒྱས་ཡིད་ལ་དྲན་པ་དང་། ཆོས་ཡིད་ལ་དྲན་པ་དང་། དགེ
35b3 འདུན་ཡིད་ལ་དྲན་པ་དང་། ཡི་དམ་ཡིད་ལ་དྲན་པ་དང་། ཏིང་འཛིན་ཡིད་ལ་དྲན་པ་དང་། རྡོ་རྗེ་སློབ་དཔོན་ཡིད་ལ་དྲན་པར་གྱིས་ལ། སངས་རྒྱས་ལ་ཕྱག་འཚལ་ལོ།། ཆོས་ལ་ཕྱག་འཚལ་ལོ།། དགེ་འདུན་ལ་ཕྱག
35b4 འཚལ་ལོ།། དམྱལ་བ་འདུལ་བའི་ཐུབ་པ་ཆེན་པོ་ལ་ཕྱག་འཚལ་ལོ།། སྐྱབས་སུ་མཆིའོ།། ཞེས་བརྗོད་ཅིང་སྐྱབས་སུ་སོང་ཞིག་དེ་ནས་ཡི་དྭགས་ཀྱི་ཐུབ་པ་བླངས་ནས་འདི་སྐད་དོ།། ཧཱུཾ་འཁོར་བའི་རྒྱུ་ནི་མ་རིག
35b5 པ།། མ་རིག་སེམས་ཀྱི་རྩད་བཅད་ན།། འཁོར་བར་འཛིན་པ་ཡོད་མ་ཡིན། ཀྭ། ཉོན་ཅིག་ཚེ་འདས་རིགས་ཀྱི་བུ།། འཇིག་རྟེན་འདི་འདྲ་སྡུག་བསྔལ་ཆེ།། བདེ་བ་ཅན་གྱི་ཞིང་དུ་བཞུད།། འདོད་ཆགས་འདི་ཡིས་ཁྱོད
35b6 རེ་བསླུས།། འདོད་ཅིང་ཆགས་པའི་ལས་རྣམས་ནི།། བྱང་ཆུབ་སྙིང་པོ་སྒྲིབ་པའི་རྒྱུ།། དང་པོ་འཁོར་བར་ལྟུང་བ་ཡང་།། ཡིད་དང་ཆོས་མེད་སྣང་བ་ལ།། མེད་པ་ཡོད་པར་སྤྱད་པས་བསླུས། འདོད་ཆགས་རང
iiif viewer powered by OpenSeadragon
