| e-texts navigator |
| Wylie |
35a1 སྡུག་བསྔལ་གནས་ནས་དྲངས།། ཧཱུཾ་མ་རིག་འཁོར་བའི་རྩ་བ་སྟེ།། ཚེ་འདས་བྱ་བ་རིགས་ཀྱི་བུ།། འདི་ལ་ཆགས་པར་མ་བྱེད་པར།། བདེ་བ་ཅན་གྱི་ཞིང་དུ་བཞུད།། ཞེ་སྡང་འདི་ཡིས་ཁྱོད་རེ
35a2 བསླུས།། ཞེ་སྡང་ཁྱོད་ཀྱི་བདུད་ཡིན་པས།། དང་པོ་སྲིད་པར་འཁྱམས་པ་ཡང་།། ཞེ་སྡང་རང་དགར་སྤྱོད་པས་འཁོར།། ད་ལྟར་སྡུག་བསྔལ་སྤྱོད་པ་ཡང་། ཞེ་སྡང་བདག་ཏུ་བཟུང་བས་ནོངས།། ཉོན་ཅིག་ཚེ་འདས
35a3 རིགས་ཀྱི་བུ།། ཞེ་སྡང་བདག་ཏུ་མ་འཛིན་ཞིག། ཞེ་སྡང་བདག་ཏུ་འཛིན་པ་ན།། ཞེ་སྡང་ཆེན་པོའི་རྒྱུ་བསགས་ནས།། ངུ་འབོད་ཆེན་པོའི་གནས་སུ་འགྲོ། སྡུག་བསྔལ་སྣ་ཚོགས་ཁྱོད་ཀྱིས་མྱོང་། བཙོ་བསྲེག་གནས
35a4 ནས་ཐར་ཐབས་མེད།། མཚོན་ཆའི་ཆར་དང་མེ་ཆེན་འོབས།། འཆིང་དང་འཚོད་པའི་ལས་རྣམས་དང་།། འགུགས་འཆིང་བསྡམས་པའི་ལས་རྣམས་ཀྱིས། ཡུན་རིང་ཐར་བའི་གནས་མེད་པས།། ཉམ་ཟག་སྡུག
35a5 བསྔལ་མྱོང་བར་འགྱུར།། དེ་ལས་གྲོལ་བར་བྱ་བའི་ཕྱིར།། བཟོད་པའི་ཆུ་བོ་འདི་ལོངས་ཤིག། ཨོཾ་ན་ར་ཀ་ཏྲི་ཨ་སུ་དུ་པྲེ་ནརྀ་སྥ་ར་ཎ་ཕཊ།། ཨེ་མ་ཧོ། རིགས་ཀྱི་བུ། ཚེ་ལས་འདས་པའི་ཆེ་གེ་མོ་ཁྱོད་ཉོན་ཅིག། འདི
35a6 ནས་འཇིག་རྟེན་འདིའི་འོག་ན། དཔག་ཚད་ལྔ་བརྒྱའི་འོག་རོལ་ན། ན་རག་དམྱལ་བའི་འཇིག་རྟེན་བྱ་བ་ཤིན་ཏུ་སྡུག་བསྔལ་དང་ལྡན་པ་ཚ་བ་དང་། གྲང་བའི་སྡུག་བསྔལ་འབའ་ཞིག་ཆེར་སྤྱོད་པ། སེམས་ཅན་ཉོན
iiif viewer powered by OpenSeadragon
