| e-texts navigator |
| Wylie |
358a1 མཚན་བཤད་བྱ།། གསང་སྔགས་ལམ་དང་ཡེ་ཤེས་ཉིད།། བཤད་པར་བྱ་བའི་རིམ་པར་གསུངས།། ཐ་དད་ཉིད་ལས་གྲོལ་བ་ཉིད།། ལམ་ཉིད་གསལ་བར་བྱ་བའི་ཕྱིར།། གཏན་ཚིགས་ལམ་ལ་རབ་ཏུ
358a2 བཤད།། ཡོངས་སུ་གཏད་པའི་ལེའུ་འདི།། བཤད་པ་ཐམས་ཅད་མིག་ཏུ་འགྱུར།། སྤང་བྱའི་ཡུལ་ལས་ཐར་བྱའི་ཕྱིར།། ཐེ་ཚོམ་སོམ་ཉི་སྤང་ཕྱིར་འདི་བཤད་དོ།། ཐེ་ཚོམ་དག་གིས་སེམས་ཅན་ལ།། འདི་བཤད་པ
358a3 ཡིས་རྟོག་པ་སེལ།། གསང་བ་སྔགས་ཀྱི་བཅུད་དག་ལ།། འདས་པའི་རྗེས་སུ་གནང་བའོ།། ཡོངས་སུ་གཏད་ཕྱིར་གསང་བ་བཤད།། གཏད་པ་ལ་ནི་རྣམ་གཉིས་ཏེ།། ཡོངས་སུ་གཏད་དང་རྗེས་སུ་གཏད།། རྣམ་པ
358a4 གཉིས་སུ་འདོད་པ་དེ།། དེ་ཉིད་ཡོངས་སུ་གཏད་པའི་ལེའུ་ལས།། བཤད་པའི་རིམ་པ་མདོར་བསྟན་བྱ།། རྒྱལ་བ་རྟགས་དང་འདོད་པ་རྣམས།། རབ་ཏུ་བཤད་ཅིང་གཏད་པའི་ཕྱིར།། དེ་ཕྱིར་ཡོངས་སུ་བཤད་པ
358a5 བསྟན།། བཤད་ལུགས་བསམ་གྱིས་མི་ཁྱབ་པའོ།། འདི་ནི་གསང་བ་ཉིད་དུ་བསྟན།། གསང་སྔགས་དགོངས་པའི་མཐར་ཐུག་ནི།། ཚད་མ་འདི་ལས་ཤེས་པར་བྱ།། གཞུང་དོན་གཏན་ཚིགས་རྒྱས་པའི་ཕྱིར།། དེ་ཕྱིར
358a6 འདི་ཉིད་རྒྱས་པར་བསྟན།། རྒྱུད་འདི་ཉིད་ནི་བཤད་བྱས་པས།། ཐམས་ཅད་ཟིལ་གྱིས་གནོན་པར་འགྱུར།། བྱ་བ་བྱེད་པ་ཐམས་ཅད་ཀུན།། མཚན་མ་བཞི་ལས་གྲོལ་བར་འགྱུར།། ཞེས་རིག་པ་རང་གྲོལ་ཆེན་པོའི
iiif viewer powered by OpenSeadragon
