| e-texts navigator |
| Wylie |
357a1 དུ་བསྟན་པ་དང་།། ཐམས་ཅད་འདུས་པར་བསྟན་པ་དང་།། མོས་པ་བསྐྱེད་ཕྱིར་བསྟན་པ་དང་།། ཡང་དག་ཉིད་དུ་བསྟན་པའོ།། གྱ་དྲུག་ཡོངས་སུ་གཏད་པ་བསྟན།། དེ་ཉིད་ལ་ཡང་དོན་བཞིས
357a2 བསྟན།། སྟོན་པས་གཏད་པ་ཉིད་དང་ནི།། དེ་ནས་ཞུ་བ་པོ་ཡིས་གཏད་པ་དང་།། སྡུད་པ་པོ་ཡིས་གཏད་པ་དང་།། དེ་ནས་ཡོངས་ལ་གཏད་པའོ།། དེ་བཞིན་ལེའུའི་མཚན་སྦྱོར་རྣམས།། རབ་ཏུ་མེད་ཅིང་སྤང་ཡངས་པའོ།།
357a3 པའོ།། ལེའུ་གཉིས་ཀྱིས་མཚན་བསྟན་པ།། ལེགས་པར་བཀྲོལ་ཞིང་བཤད་པར་ཟད།། རབ་ཏུ་རྒྱས་པར་བསྟན་པའོ།། ཞེས་རིག་པ་རང་གྲོལ་ཆེན་པོའི་རྒྱུད་ལས།། ལེ་ལག་དོན་བསྡུས་ཀྱི་ལེའུ་སྟེ་དགུ
357a4 པའོ།། །། དེ་ནས་ཡང་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ།། ལེའུའི་དོན་དང་མཚན་བཤད་དེ་ལྟར་ལགས་ན།། ཡོངས་སུ
357a5 བཟུང་བའི་ཐབས་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་རིགས་ཀྱི་བུ་རྣམས་ཉོན་ཅིག། ངས་ཐབས་དམ་པ་བསྟན་གྱིས་ལེགས་པར་ཉོན་ཅིག། ཡང་དག་པའི་ཡེ་ཤེས་ལ་འཕེལ་འགྲིབ
357a6 མེད་དོ།། ཡེ་ཤེས་ཀྱི་ལུས་ལ་ཡང་ཞིང་གཡོ་བ་མེད་དོ།། ཡེ་ཤེས་ཀྱི་སྣང་བ་ལ་གསལ་བ་དང་མི་གསལ་བ་མེད་དོ།། གསང་སྔགས་ཀྱི་ལམ་ལ་ཉེ་བ་དང་རིང་བ་མེད་དོ།། རང་གི་སྣང་བ་ལ་ཆེ་ཆུང་མེད་དོ།། སེམས
iiif viewer powered by OpenSeadragon
