| e-texts navigator |
| Wylie |
356b1 མི་གཡོའོ།། བརྒྱད་ཅུ་འཇམ་དཔལ་སྨྲ་བཞི་བསྟན།། དེ་ཉིད་ལ་ཡང་དོན་གསུམ་སྟེ།། ཐབས་ཀྱི་སྒོ་ནས་སྨྲ་བ་དང་།། ཤེས་རབ་ཉིད་ཀྱིས་སྨྲ་བ་དང་།། ཕ་རོལ་སྒྲོལ་ཕྱིར་སྨྲ་བའོ།། གྱ་གཅིག་གཤེགས་པ་རང་བྱུང
356b2 བསྟན།། དེ་ཉིད་ལ་ཡང་དོན་གཉིས་ཏེ།། རང་རང་ཚིག་གིས་སྨྲ་བ་དང་།། མཐུ་སྟོབས་སྒོ་ནས་སྨྲ་བའོ།། གྱ་གཉིས་སྙིང་པོའི་ཕུལ་བ་བསྟན།། དེ་ཉིད་ལ་ཡང་དོན་གསུམ་སྟེ།། རང་གིས་ཞུས་ཏེ་ཕུལ་བ་དང་།། སྟོན
356b3 པས་བསྐུལ་ཏེ་ཕུལ་བ་དང་།། གསང་སྔགས་བྲིས་ཏེ་ཕུལ་བ་དང་།། གྱ་གསུམ་མཚན་མ་ཟིལ་གནོན་བསྟན།། དེ་ཉིད་རྣམ་དོན་བཅུ་གཅིག་གོ། མཚན་མའི་ཡུལ་ལ་གནོན་པ་དང་།། གཞན་དོན་སེམས་ཀྱིས་གནོན་པ
356b4 དང་།། ཡུལ་དང་ཤེས་པ་གནོན་པ་དང་།། སྒྲོན་མ་ཉིད་ཀྱིས་གནོན་པ་དང་།། རྣལ་འབྱོར་ལུས་ཀྱིས་གནོན་པ་དང་།། སྦྱོང་པ་རྒྱུན་གྱིས་གནོན་པ་དང་།། རང་དོན་རིག་པས་གནོན་པ་དང་།། ཡེ་ཤེས་ངོ་བོས་གནོན་པ
356b5 དང་།། ལམ་ཉིད་འབྲས་བུས་གནོན་པ་དང་།། གསང་སྔགས་དོན་གྱིས་གནོན་པ་དང་།། རིག་པ་སྟོབས་ཀྱིས་གནོན་པའོ།། གྱ་བཞི་དགོངས་པ་ལུང་བསྟན་ནོ།། དེ་ལ་རྣམ་དོན་གཉིས་ཀྱིས་བསྟན། ཚིག་ལ་བརྟེན་ཏེ
356b6 ལུང་བསྟན་དང་།། རྒྱུ་མཚན་བརྟགས་ཏེ་ལུང་བསྟན་པའོ།། གྱ་ལྔ་རྒྱལ་བའི་རྟེན་བཞུག་བསྟན།། དེ་ཉིད་རྣམ་དོན་དྲུག་གིས་བསྟན།། སྐུ་ཡི་ཚད་དུ་བསྟན་པ་དང་།། གསུང་གི་ཚད་དུ་བསྟན་པ་དང་།། ཐུགས་ཀྱི་ཚད
iiif viewer powered by OpenSeadragon
