| e-texts navigator |
| Wylie |
356a1 བསྟན།། དེ་ཉིད་ལ་ཡང་དོན་གཉིས་ཏེ།། མཚན་མ་མིང་གི་སྐུ་གསུམ་དང་།། ཡང་དག་དོན་གྱི་སྐུ་གསུམ་མོ།། དོན་ལྔ་དབང་གི་སྡོམ་བྱང་བསྟན།། དེ་ལ་རྣམ་དོན་གསུམ་གྱིས་བསྟན།། གདམས་ངག
356a2 དོན་གྱི་བསྟན་པ་དང་།། ཡང་དག་ཐོབ་ཕྱིར་བསྟན་པ་དང་།། རྫས་ལྔ་དག་གིས་བསྟན་པའོ།། དོན་དྲུག་རང་གྲོལ་དགོངས་པ་བསྟན།། དེ་ལ་རྣམ་དོན་བཅུ་ཡིས་བསྟན།། སྣང་བ་ཡུལ་ལ་གྲོལ་བ་དང་།། རང་སྣང
356a3 མཁའ་ལ་གྲོལ་བ་དང་།། ཏིང་འཛིན་སེམས་ལ་གྲོལ་བ་དང་།། འབྱུང་བ་རྐྱེན་གྱིས་གྲོལ་བ་དང་།། རང་དོན་ལམ་གྱིས་གྲོལ་བ་དང་།། སྣང་བ་དྲུག་གིས་གྲོལ་བ་དང་།། ལྟ་བ་ཉིད་ལས་གྲོལ་བ་དང་།། རྒྱུ་རྐྱེན་ཆོས
356a4 ལས་གྲོལ་བ་དང་།། རྟོག་འཛིན་མཐའ་ལས་གྲོལ་བ་དང་།། མཐའ་བཞི་དང་ལས་གྲོལ་བར་བསྟན།། དོན་བདུན་ས་ལམ་བསྒྲུབ་མེད་བསྟན།། དེ་ཉིད་ལ་ནི་དོན་བཞིས་བསྟན།། སྦྱང་བའི་ཡུལ་དུ་མེད་པ་དང་།། དུ
356a5 མར་བགྲང་དུ་མེད་པ་དང་།། གནས་དང་འགྲོ་འོང་མེད་པ་དང་།། ས་ལམ་རིམ་པ་མེད་པའོ།། དོན་བརྒྱད་རྫོགས་ཆེན་རང་སྐད་བསྟན།། དེ་ལ་ཡང་ནི་དོན་གསུམ་སྟེ།། ལྟ་བ་དོན་གྱིས་སྨྲས་པ་དང་།། སྤྱོད་པ་དོན
356a6 གྱིས་སྨྲས་པ་དང་།། སྒོམ་པ་དོན་གྱིས་སྨྲས་པའོ།། དོན་དགུ་མི་གཡོ་མཉམ་གཞག་བསྟན།། དེ་ཉིད་ལ་ཡང་དོན་གསུམ་སྟེ།། རང་སྣང་ཉིད་ལས་མི་གཡོ་དང་།། རྣམ་གསུམ་དོན་ལས་མི་གཡོ་དང་།། སྒྲོན་མ་ཉིད་ལས
iiif viewer powered by OpenSeadragon
