| e-texts navigator |
| Wylie |
353b1 རྣམས་བསྟན་པ་དང་།། རྣམ་སྣང་ལྔ་ཡང་། ལྔ་གྲོགས་སུ་བསྟན་པའོ།། རེ་གཉིས་རིག་པའི་ཡེ་ཤེས་བསྟན།། དེ་ཉིད་ལ་ཡང་དོན་བཞིས་གསུམ་ལས་བྱུང་། བསྟན།། རང་བྱུང་རྟོགས་པའི་རིག་པ་དང་།། ཤེས་རབ
353b2 མཚོན་པའི་རིག་པ་དང་།། མངོན་སྣང་ཡུལ་ཀྱི་ཡེ་ཤེས་སོ།། རེ་གསུམ་རང་བཞིན་གསལ་བར་བསྟན།། དེ་ཉིད་ལ་ནི་དོན་གསུམ་སྟེ།། དངོས་པོའི་རང་བཞིན་གསལ་བ་དང་།། སྐྱེ་མེད་རང་བཞིན་གསལ་བ
353b3 དང་།། ཀུན་ཁྱབ་རང་བཞིན་གསལ་བར་བསྟན།། རེ་བཞི་དབང་པོའི་བྱེ་བྲག་བསྟན།། དེ་ཉིད་ལ་ཡང་དོན་ལྔ་སྟེ།། རབ་ཏུ་དབྱེ་སྟེ་བསྟན་པ་དང་།། ཚིག་ཙམ་དག་ཏུ་བསྟན་པ་དང་།། དབང་པོ་ཤིན་ཏུ་རྣོ་བར
353b4 བསྟན།། རྟུལ་བ་དག་ཏུ་བསྟན་པ་དང་།། རབ་ཏུ་རྒྱས་པར་བསྟན་པའོ།། དེ་བཞིན་ཚིག་དོན་གསང་བ་རྣམས།། རབ་ཏུ་བཤད་ཅིང་མཚམས་སྦྱར་དང་།། མིང་དང་མཚན་མའི་དངོས་པོ་རྣམས།། རབ་ཏུ་བཤད་ཅིང
353b5 སྦྱར་བར་བྱ།། མཚན་མ་ཉིད་ལ་ལྟོས་གྱུར་ན།། ཡེ་ཤེས་སྣང་བ་འཆར་མི་འགྱུར།། ཡེ་ཤེས་སྣང་བ་ཆེན་པོ་ཉིད།། རབ་ཏུ་བཤད་ཅིང་བརྗོད་པར་བྱ།། དེ་ཡང་རབ་བསྟན་འདི་ལྟ་སྟེ།། མིང་དང་དངོས་པོ་འཛིན་པ
353b6 ཡིས།། ལམ་ལ་ལྟོས་ན་ཡེ་ཤེས་མེད།། སྣང་བ་མེད་པའི་ཆོས་ཉིད་ནི།། རབ་ཏུ་བཤད་ནས་མཚན་བརྗོད་བྱ།། ལེའུ་གསང་བ་འདི་ཉིད་ལས།། གབ་དང་སྦས་པའི་ཚིག་ཉིད་བསྟན།། ཡང་དག་ལམ་ཀྱི་ཚིག་ཉིད
iiif viewer powered by OpenSeadragon
