| e-texts navigator |
| Wylie |
352a1 ཟུང་།། དོན་དང་མཐུན་ཚིག་བསམ་ཡས་ཀྱང་།། ལེའུ་ཉིད་ཀྱི་དོན་ཉིད་ལས། རབ་ཏུ་བཤད་ཅིང་ཤིན་ཏུ་གསལ།། མཚན་མས་བཅིངས་པའི་སེམས་ཅན་ཀུན།། གྲོལ་བའི་ཐབས་ཆེན་ངས་བསྟན
352a2 གྱིས།། རབ་ཏུ་གུས་པའི་སེམས་ཀྱིས་ཉོན།། ལེའུའི་དོན་སྦྱར་འདི་ལྷ་སྟེ། ཞེ་བཞི་དོན་གྱི་ཡེ་ཤེས་བསྟན། དེ་ཉིད་ལ་ཡང་དོན་ལྔ་སྟེ། ཁྱད་པར་ཡེ་ཤེས་ལམ་དོན་དང་། ཐུན་མོང་ཀུན་ཁྱབ་རང་དོན་དང་།། བརྡལ་བ
352a3 ཆོས་ཉིད་སེམས་དོན་དང་།། རང་འབྱུང་སྒྲ་ཡི་སེམས་དོན་དང་།། རོལ་པ་སྣ་ཚོགས་སེམས་དོན་ནོ།། ཞེ་ལྔ་སྒྲ་ཡི་གྲངས་ཡིག་བསྟན།། དེ་ཉིད་ལ་ཡང་དོན་གསུམ་སྟེ།། ཕོ་ཡིག་ཐབས་ཀྱི་ཡི་གེ་དང་།། མོ་ཡིག་ཤེས
352a4 རབ་ཡི་གེ་དང་།། མ་ནིང་ཐུགས་རྗེའི་ཡི་གེ་བཤད།། ཞེ་དྲུག་མཁའ་འགྲོའི་རང་སྒྲ་བསྟན།། དེ་ཉིད་ལ་ཡང་དོན་གསུམ་བསྟན།། སོ་སོའི་མཚན་མས་སྨྲ་བ་དང་། གཅིག་པའི་དོན་དུ་སྨྲ་བ་དང་།། སྟོན་པ་ཉིད་ཀྱིས
352a5 རྗེས་སུ་བསྟན།། ཞེ་བདུན་སྟོན་པའི་བྱོན་ལུགས་བསྟན།། དེ་ཉིད་ལ་ཡང་དོན་བཞི་བསྟན།། པདྨར་བརྫུས་ཏེ་བྱོན་པ་དང་།། ཡུམ་གྱི་ལྷུམས་སུ་བྱོན་པ་དང་།། འོད་དང་སྒྲ་དང་བཅས་པ་དང་།། ཤིན་ཏུ་དམན་པའི
352a6 གཟུགས་སུ་བསྟན།། ཞེ་བརྒྱད་ཐིག་ལེ་རྒྱས་པར་བསྟན།། དེ་ཉིད་ལ་ནི་དོན་གསུམ་མོ། གཞི་ཡི་ཐིག་ལེ་བཟང་པོའི་རབ།། ལམ་གྱི་ཐིག་ལེ་སྣ་ཚོགས་དང་།། འབྲས་བུ་ཡོངས་རྫོགས་ཐིག་ལེར་བསྟན།། ཞེ་དགུ་སྒྲ
iiif viewer powered by OpenSeadragon
