| e-texts navigator |
| Wylie |
351a1 རྫོགས་ཆེན་ལ་བཟླ་བསྟན།། དེ་ལ་དོན་ནི་དྲུག་གིས་བསྟན།། མཚན་མའི་ཚིག་གི་ལ་བཟླ་དང་།། རང་བྱུང་གཏན་ཚིགས་ལ་བཟླ་དང་།། གོལ་སྒྲིབ་སྒྲོ་འདོགས་ལ་བཟླ་དང་།། མངོན་སྣང་ཡུལ་ལ་ལ
351a2 བཟླ་དང་།། ལྡེམ་པོར་དགོངས་ཏེ་ལ་བཟླ་དང་།། དམིགས་པ་ལམ་གྱི་ལ་བཟླའོ།། སོ་དྲུག་དཀྱིལ་འཁོར་མཚན་ཉིད་སྟོན།། དཀྱིལ་འཁོར་དོན་ལ་རྣམ་གསུམ་སྟེ།། རྩ་བའི་དཀྱིལ་འཁོར་ཆེན་པོ་དང་།། རང་བཞིན
351a3 གསང་བའི་དཀྱིལ་འཁོར་དང་།། གཟུགས་བརྙན་ཡོངས་བཀོད་དཀྱིལ་འཁོར་རོ།། སོ་བདུན་རང་རང་དོན་ཆེན་བསྟན།། དེ་ལ་རྣམ་དོན་གཅིག་གིས་བསྟན།། རང་གི་ཙིཏྟའི་དཀྱིལ་འཁོར་དུ།། རང་རང་ཡེ་ཤེས་དོན
351a4 འདུས་པའོ།། སོ་བརྒྱད་གོམས་པའི་རྟོགས་ཚུལ་བསྟན།། དེ་ཉིད་ལ་ནི་རྣམ་གཉིས་སོ།། ཉམས་སུ་བླང་བའི་རིམ་པ་དང་།། གོམས་པའི་ཚད་ཀྱིས་གདམས་ངག་བསྟན་པའོ།། སོ་དགུ་རྟོགས་ཚུལ་བརྡའ་ལྔ
351a5 བསྟན།། དེ་ཉིད་ལ་ཡང་དོན་ལྔ་སྟེ།། རང་བཞིན་སྣང་བའི་བརྡ་རྣམས་དང་།། འཛིན་མེད་སེམས་ཀྱི་བརྡའ་དང་ནི།། རང་དོན་རིག་པའི་བརྡ་ཆེན་དང་།། རང་བཞིན་ལུང་གི་བརྡ་དང་ནི།། གོ་འབྱེད་སྒྲུབ་རྒྱུད་བརྡ
351a6 རྣམས་བཤད།། བཞི་བཅུ་ཡོངས་སུ་བསྟོད་བརྡ་བསྟན།། དེ་ནི་ཡང་དག་དོན་བཞི་བསྟན།། མཚན་གྱིས་སྒོ་ནས་བསྟོད་པ་དང་།། ཕྱག་མཚན་སྒོ་ནས་བསྟོད་པ་དང་།། སྐུ་གསུམ་ཉིད་ལ་བསྟོད་པ་དང་།། ཁྲོ་བོ་ཉིད་ལ
iiif viewer powered by OpenSeadragon
