| e-texts navigator |
| Wylie |
350b1 ཉིད་དང་།། ཤེས་རབ་རིག་པའི་རང་རྒྱུད་དང་།། རྣམ་དག་རིག་པའི་རང་རྒྱུད་བསྟན།། སུམ་ཅུ་གཞི་ཡི་གནས་ལུགས་བསྟན།། དེ་ཉིད་ལ་ཡང་དོན་བརྒྱད་དེ།། ངོ་བོ་མི་འགྱུར་གནས་ལུགས་དང་།། རང་བཞིན་ཀུན
350b2 ཁྱབ་གནས་ལུགས་དང་།། ཐུགས་རྗེ་ཡུལ་ཁྱབ་གནས་ལུགས་དང་།། སྟོན་བྱེད་འོད་ཀྱི་གནས་ལུགས་དང་།། སྟོང་པ་མཁའ་ཁྱབ་གནས་ལུགས་དང་།། གཉིས་མེད་རང་སྣང་གནས་ལུགས་དང་།། རིག་པ་ལུས་ལ
350b3 གནས་ལུགས་དང་།། ཤེས་རབ་མཁའ་ལ་གནས་ལུགས་སོ།། སོ་གཅིག་རིག་པ་རང་གིས་རྟོགས་ཚུལ་སྟོན།། དེ་ཉིད་ལ་ཡང་དོན་གསུམ་སྟེ།། ཉི་ཤུ་རྩ་གཅིག་རྟོགས་ལུགས་དང་།། ཤེས་པ་གཅིག་ཆོད་རྟོགས་ལུགས
350b4 དང་།། སྣང་བ་མཐོང་བའི་རྟོགས་པའོ།། སོ་གཉིས་རིག་པའི་མཚོན་དཔེར་བསྟན།། དེ་ཉིད་ལ་ཡང་དོན་གསུམ་སྟེ།། གཞི་ཉིད་མཚོན་པའི་མཚོན་དཔེ་དང་།། ལམ་ལྔ་མཚོན་པའི་མཚོན་དཔེ་དང་།། ངོ་བོ་མཚོན་དཔེ
350b5 བཤད་པའོ།། སོ་གསུམ་རིག་པ་འཛིན་མེད་བསྟན།། དེ་ཉིད་རྣམ་དོན་གཉིས་སུ་བསྟན།། ཡེ་ཤེས་ཉིད་ཀྱི་འཛིན་མེད་དང་།། ཁྱད་པར་ལམ་གྱིས་འཛིན་མེད་དོ།། སོ་བཞི་བར་དོའི་འཁྲུལ་ལུགས་བསྟན།། དེ་ལ་ཡང
350b6 ནི་དོན་བཞི་སྟེ།། སྣང་བ་སེམས་ཀྱི་འཁྲུལ་ལུགས་དང་།། དཔྱོད་པ་ཡིད་ཀྱི་འཁྲུལ་ལུགས་དང་།། སྣང་བ་འོད་ལས་འཁྲུལ་ལུགས་དང་།། ཉི་ཤུ་རྩ་གཅིག་འཁྲུལ་ལུགས་སོ།། དེ་ནི་འཁྲུལ་པའི་ཚིག་ཏུ་བསྟན།། སོ་ལྔ
iiif viewer powered by OpenSeadragon
