| e-texts navigator |
| Wylie |
350a1 གསོལ།། ཞེས་ཞུས་སོ།། ཀྱེ་མ་གཞོན་ནུར་གྱུར་པ་ཉོན།། མ་ནོར་པ་ཡི་དོན་ཉིད་ནི།། ངས་བསྟན་ཁྱོད་ཀྱིས་ལེགས་པར་ཉོན།། ལེའུའི་མཚན་དང་སྡོམ་བྱང་རྣམས།། རབ་ཏུ་བཤད་ཅིང་བསྟན་པ
350a2 བྱའོ།། དེ་ལ་རྩ་བའི་ཚིག་ཉིད་དང་།། རབ་ཏུ་བསྟུན་ཏེ་བཤད་པར་བྱ།། དེ་ཡང་ལེའུའི་མཚན་ཉིད་རིག་པའི་མཚན་ཉིད་བསྟན་པ། ལས།། རབ་ཏུ་གསང་བའི་ཚིག་རྣམས་ཀྱང་།། འདི་རུ་གསང་བ་མེད་པར་བསྟན།། ལེགས
350a3 པར་དགའ་མགུའི་སེམས་ཀྱིས་ཉོན།། དོན་ལ་ཡེ་ཤེས་ཐུག་པ་མེད།། འདས་པ་ཀུན་གྱི་སྣང་བ་ཡང་།། གང་དག་འཛིན་པའི་སེམས་དང་བྲལ།། དེ་ཕྱིར་ལེའུའི་རྩ་ཚིག་བསྟན་པར་བྱ།། ཨེ་མ་ཧོ།། རྩ་བདུན་རིག་པའི
350a4 གཏན་ཚིགས་བསྟན་པ། ཡང་དག་ཐེག་པ་བསྟན།། དེ་དོན་རྣམ་པ་གཉིས་ཀྱིས་བསྟན།། མཚན་ཉིད་པ་དང་གསང་སྔགས་སོ།། རྩ་བརྒྱད་འཁྲུལ་པའི་རྩ་བ་བསྟན།། དེ་ལ་རྣམ་པ་བདུན་གྱིས་བསྟན།། རང་ཉིད་རང་གིས
350a5 འཁྲུལ་པ་དང་།། རྒྱུ་ཉིད་རྐྱེན་གྱིས་འཁྲུལ་པ་དང་།། འདྲ་གཞི་གཉིས་ལས་འཁྲུལ་པ་དང་།། ཡུལ་དང་ཤེས་པས་འཁྲུལ་པ་དང་།། མཚན་མ་བརྡ་ཡིས་འཁྲུལ་པ་དང་།། སྟོང་པའི་འོད་ལས་འཁྲུལ་པ་དང་།། སྒྲིབ་པ
350a6 མཐའ་བཞིས་འཁྲུལ་པའོ།། དེ་ནི་འཁྲུལ་ལུགས་རྒྱས་པར་བསྟན་གནས་ལུགས་ཀྱི་དོན་བསྟན་པཔའོ།། རྩ་དགུ་སེམས་ཅན་རང་རྒྱུད་བསྟན།། དེ་ཉིད་ལ་ནི་དོན་བཞི་སྟེ།། མངོན་པ་སྐུ་ཡི་རྒྱུད་དང་ནི།། ཁྱབ་པ་འོད་ཀྱི་རྒྱུད
iiif viewer powered by OpenSeadragon
