| e-texts navigator |
| Wylie |
34b1 ཕྱིས་ལྡང་མི་ནུས་པའི་དབང་གིས་གཟིར་མནན་བྱ། དཀྱིལ་འཁོར་གི་ཞལ་བསྲོ། དེ་ནས་དཀྱིལ་འཁོར་གྱིས་རློག་ལ། གསེག་མའི་ས་བོན་བཏབ་ལ། འདི་མ་སྐྱེས་ཀྱི་བར་དུ་མ་ལྡངས་ཤིག་ཅེས་གཟིར་མནན
34b2 བྱའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། རྣལ་འབྱོར་པའི་བདུན་ཚིག་ཐ་མ་པ་བསྟན་པའི་ལེའུ་སྟེ་ལྔ་པའོ།། རྫོགས་སོ།། །། @#།། རྒྱ་གར་སྐད་དུ། མ་ལཱ་ས་ཧུ་སུ་ཀ་ནཱ་མ། བོད
34b3 སྐད་དུ། ལམ་སྟོན་བསྒོམ་པའི་ལུང་ཞེས་བྱ་བ། བཅོམ་ལྡན་འདས་དཔལ་གཉིས་མེད་ཀྱི་རྒྱལ་པོ་རྡོ་རྗེ་སེམས་དཔའ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་པདྨ་དབང་གིས་བདག་ཉིད་ལ། ཉེ་བའི་འཁོར
34b4 རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་པདྨ་དབང་གི་བདག་ཉིད་ཆེན་པོ། སེམས་ཅན་འཁོར་བ་ལས་བསྒྲལ་ནས་བདེ་བ་ཅན་གྱི་ཞིང་ཁམས་སུ་ལམ་སྟོན་པའི་ཆོ་ག་བཤད་དུ་གསོལ། དེ
34b5 ནས་དཔལ་ཆེན་ཉིད་ཀྱིས་བཀའ་སྩལ་པ།། ཀྱེ་མ་ཉོན་ཅིག་རྡོ་རྗེ་འཛིན།། སློན་དཔོན་གསང་བའི་དབང་ཐོབ་དེས།། མཎྜལ་དྲུག་པའི་གཞུང་རྫོགས་ནས།། ལམ་བསྟན་ལུང་ནི་བསྟན་པར་བྱ།། མཆོད་པའི་ཚོགས་ནི
34b6 རབ་རྫོགས་ནས།། གསང་བའི་སློབ་དཔོན་དེ་ཉིད་ཀྱིས།། རིགས་དྲུག་གནས་ནས་དྲངས་པ་ཡི།། ཆོ་ག་འདི་ནི་བརྩམ་པར་བྱ།། མཎྜལ་ཟླུམ་པོའི་སྟེང་དག་ནས།། ཐུབ་པའི་ཕྱག་མཚན་བླངས་ནས་ནི།། ཚིག་འདིས
iiif viewer powered by OpenSeadragon
