| e-texts navigator |
| Wylie |
346a1 མའི་ཆོས་ལ་གནས་པ་མེད།། སྣང་བའི་ཆོས་ལ་ཐེ་ཚོམ་མེད།། ཡང་དག་ལམ་ལ་མཐར་ཐུག་མེད།། དངོས་པོའི་ཡུལ་ལ་བསྒྲུབ་མི་དགོས།། དྲན་པ་མེད་པའི་བསམ་གཏན་ལ།། བརྗོད་མེད་ཏིང་འཛིན
346a2 ངོ་བོར་ཞོག། ལམ་དང་འཛིན་པའི་ཡུལ་མེད་པས།། དྲི་མ་བཞི་ཡིས་བཅིངས་པ་ཁྲོལ།། སངས་རྒྱས་ཡེ་ཤེས་བསྟན་བྱའི་ཕྱིར།། རྒྱུ་རྐྱེན་ལྟོས་པའི་ཚིག་རྣམས་སྤང་།། སངས་རྒྱས་ཡེ་ཤེས་རང་ལ་གྲུབ།། ཡེ་ཤེས་ཆེན
346a3 པོའི་སྣང་བ་རྣམས།། འགག་མེད་ཀུན་ལ་རོལ་ཅིང་སྤྱོད།། མཚན་མའི་མིང་དང་འཛིན་པ་སྟོངས།། སྟོང་པ་ལམ་གྱི་སྒྲོན་མ་སྟོངས།། ཡང་དག་ཤེས་པའི་ངོ་བོ་ལ།། བྱ་བ་བྱེད་པའི་རིག་པ་མེད།། འཛིན་པ་གོལ་བའི
346a4 རྒྱུ་ཉིད་ལས།། བྱང་ཆུབ་ལམ་གྱི་སྒྲོན་མ་ཉིད།། ལམ་ལ་དགག་དང་བསྒྲུབ་པ་མེད།། སྟོང་པའི་རིག་པ་གང་ཡང་མེད།། རྒྱ་ཆད་ཕྱོགས་ཆར་འཛིན་པ་སྤང་།། སྣང་བ་དངོས་པོའི་ཆོས་ཀྱིས་སྟོང་།། སྟོང་པ་མཚན་མའི
346a5 ཆོས་ལས་འདས།། འདས་པ་ཉིད་ལ་བརྗོད་དུ་མེད།། ལྟ་བ་ཞེ་འདོད་འཛིན་པ་ཡང་།། མཚན་མའི་ཆོས་མེད་རང་སར་གྲོལ།། རང་བྱུང་སྒྲ་ཡི་ཐ་སྙད་ཉིད།། ཡོད་པའི་ཕྱོགས་དང་མེད་པའི་ཕྱོགས།། ཐ་སྙད་གཉིས་ཀྱི
346a6 ཆོས་རྣམས་ཀུན།། ཡང་དག་ཉིད་ལ་ལྷ་དང་བྲལ།། འཛིན་པའི་གོལ་ས་ཆོས་ཉིད་མེད།། ཐ་དད་དངོས་པོའི་ཡུལ་ལས་འདས།། མཚན་མའི་ཚིག་དང་དངོས་པོའི་ཚིག། ཡུལ་ལ་ལྟོས་པ་ཉིད་དུ་བཤད།། བྱ་བ་རྫོགས
iiif viewer powered by OpenSeadragon
