| e-texts navigator |
| Wylie |
345b1 བྲལ།། གསང་སྔགས་དགོངས་པ་དངོས་མེད་ནི།། འཛིན་པའི་ཡུལ་དང་བྲལ་བའི་ཕྱིར།། དངོས་པོའི་དྲི་མའི་ཆོས་དང་བྲལ།། འདོད་པའི་སེམས་ཀྱིས་དྲི་མ་ཉིད།། རང་བྱུང་ཐབས་ཀྱི་ཡེ་ཤེས་ལས།། ཐམས་ཅད
345b2 འབྱུང་ཞིང་ཐོན་པར་གསུངས།། ལམ་དང་དྲི་མའི་ཆོས་ཉིད་རྣམས།། ཀ་ནས་དག་ཅིང་བྱང་བ་ཉིད།། རྒྱལ་བ་ཀུན་གྱིས་རབ་བསྔགས་པས།། ཡེ་ཤེས་གསང་བའི་མཁའ་ལ་རོལ།། མཉམ་ཉིད་ཡེ་ཤེས་ཆེན་པོ
345b3 ཉིད།། སྣང་བའི་ཡེ་ཤེས་མངོན་པར་སྣང་།། རྒྱལ་བ་རྟགས་ཀྱི་ཕྱག་རྒྱ་ཉིད།། ཡང་དག་ཉིད་དུ་གནས་པའི་ཕྱིར།། གསང་བའི་ཡུམ་དང་གཉིས་མེད་སྦྱོར།། ཀུན་ཏུ་བཟང་པོའི་རོལ་པ་ཉིད།། ཅིར་ཡང་མཛད་ཅིང་ཅིར
345b4 ཡང་སྤྲུལ།། ཡེ་ཤེས་རྟོགས་པའི་ཀློང་དཀྱིལ་དུ།། ཐུགས་རྗེའི་ཉི་མ་མ་འགགས་ཤར།། སྣང་བ་རྣམ་པ་ལྔ་ཉིད་ལས།། ཡེ་ཤེས་སྤྲུལ་པ་ཕྱོགས་བཅུར་ཤར།། ཀུན་ཏུ་བཟང་མོའི་བྷ་ག་ལས།། ཐམས་ཅད་ཡེ་ཤེས
345b5 བསྐྱེད་པའི་རྒྱུ།། ཀུན་ནས་འབྱུང་ཞིང་ཀུན་ཏུ་ཤར།། ཀུན་བཟང་ཉིད་ཀྱི་ཤེས་རབ་ལས།། ཐམས་ཅད་རྫོགས་པར་ང་ཡིས་བཤད།། ཀུན་ཏུ་བཟང་པོའི་ཡེ་ཤེས་ནི།། ནམ་མཁའི་མཐའ་བཞིན་ཐུག་པ་མེད།། དབྱིངས
345b6 ཀྱི་དཀྱིལ་འཁོར་ཟད་པ་མེད།། ཡེ་ཤེས་དཀྱིལ་འཁོར་འགག་མེད་ཉིད།། ཀུན་ལ་རོལ་ཅིང་སྤྱོད་པའོ།། ཨེ་མ་དངོས་པོ་མི་གནས་པའི་གཏན་ཚིག་ལ།། དངོས་པོའི་ཆོས་རྣམས་ཀུན།། རང་དག་རྐྱེན་གྱིས་ཀ་ནས་མེད།། དྲི།།
iiif viewer powered by OpenSeadragon
