| e-texts navigator |
| Wylie |
344b1 པོའི་ཆོས་རྣམས་ཀུན།། བྱར་མེད་སྟོང་པའི་ངང་དུ་གྲོལ།། འཛིན་མེད་རང་སྣང་ཆོས་རྣམས་ཀུན།། རྣམ་དག་སྟོང་པའི་མཁའ་ལ་གྲོལ།། དགོངས་པ་དཔེ་མེད་དོན་རྣམས་ཀུན། ཡང་དག་གསང་བའི་དབྱིངས་སུ
344b2 གྲོལ།། སྣ་ཚོགས་བསྐྱེད་པའི་ངོ་བོ་ཉིད།། འདུ་ཤེས་མེད་པའི་ངང་དུ་གྲོལ།། གསང་སྔགས་གསང་བའི་རོལ་པ་ཉིད།། ཡེ་ཤེས་བཞི་སྦྱོར་དབྱིངས་སུ་གྲོལ།། གཉིས་སྣང་སེམས་ཀྱི་ཆོ་འཕྲུལ་རྣམས།། ཐིག་ལེ་ཉག
344b3 གཅིག་ངང་དུ་གྲོལ།། ཡེ་ཤེས་ཀུན་སྣང་གྲོང་ཁྱེར་ཉིད།། ཚོམ་བུ་ལྔ་ཡི་ཀློང་དུ་གྲོལ།། ཡང་དག་ཡེ་ཤེས་ས་བོན་ཉིད།། ཀ་དག་ཆེན་པོའི་དབྱིངས་སུ་གྲོལ།། དེ་ཕྱིར་རྣམ་རྟོག་འཁོར་བའི་བདུད།། མེད་ཅིང་སྟོང་ལ
344b4 གཟུང་དུ་མེད།། བདུད་ཀྱང་རང་གི་ངང་དུ་རྟོགས།། ཡེ་ཤེས་ཆེན་པོའི་སྣང་བ་ལ།། བདུད་མེད་བདུད་དུ་བྱ་བ་མེད།། རང་བྱུང་གཅིག་པ་གཅིག་པུ་ཉིད།། དེ་ལས་མ་གཏོགས་བདུད་མེད་དོ།། བདུད་ཉིད་རང་གི་རིག
344b5 པར་ལྟོས།། དེ་མ་གཏོགས་པའི་བདུད་རྣམས་ཀུན།། ངང་གིས་མེད་ཅིང་ངང་གིས་བཅོམ།། ང་མེད་པ་ཡི་སྔོན་རོལ་དུ།། བདུད་ཅེས་བྱ་བའི་མིང་ཡང་མེད།། བདུད་ཉིད་ང་ལས་བྱུང་བའི་ཕྱིར།། བདུད་ཅེས་བྱ་བ
344b6 ལོགས་ན་མེད།། རྣམ་རྟོག་བདག་ཏུ་འཛིན་པ་ཡི།། བདུད་ཀྱི་རྩ་བ་ཆེན་པོ་གཅིག། ང་ཉིད་རྟོགས་ན་བདུད་རྣམས་སངས།། རྣམ་རྟོག་འཛིན་པའི་བདུད་རྣམས་ཀུན།། ཐབས་ཀྱིས་ང་ཡི་ངང་དུ་ཞི།། དེ་ཕྱིར་རྣམ་རྟོག
iiif viewer powered by OpenSeadragon
