| e-texts navigator |
| Wylie |
343b1 ཡིན།། གཉེན་གྱི་བྱ་བ་བདུད་ཀྱི་སླུ་བ་ཡིན།། དགྲ་ལ་ཆགས་པ་བདུད་ཀྱི་སླུ་བ་ཡིན།། བདག་ཏུ་རྟོག་ན་བདུད་ཀྱི་སླུ་བ་ཡིན།། ལུས་ལ་ཆགས་པ་སྐྱེས་ན་དེ་ཡང་བདུད།། འཛིན་པ་ཡུལ་ལ་ཆགས་ན་ཕྱི་ཡི
343b2 བདུད།། ཏིང་འཛིན་རོ་ལ་ཆགས་ན་ནང་གི་བདུད།། སྣང་བ་ཡུལ་ལ་ཆགས་ན་ཡུལ་གྱི་བདུད།། ཡིན་མིན་ཐེ་ཚོམ་ཞུགས་ན་རྟོགས་པའི་བདུད།། བྱ་བྱེད་གཡེངས་པས་ཁྱེར་ན་འཁོར་བའི་བདུད།། རྟོག་པ་ཁོང་དུ
343b3 ཞུགས་ན་སེམས་ཀྱི་བདུད།། གཟུང་འཛིན་ཆོས་ལ་ཆགས་ན་ཡིད་ཀྱི་བདུད།། ལོངས་སྤྱོད་འཁོར་ལ་ཆགས་ན་གཡེངས་པའི་བདུད།། འཁོར་བའི་ཆོས་ལ་ཆགས་ན་ཕུང་པོའི་བདུད།། རྩོད་པའི་འདམ་ལ་ཆགས་ན
343b4 ཉོན་མོངས་བདུད།། དགའ་སྡུག་གྲོགས་ལ་ཆགས་ན་ལྷ་ཡི་བདུད།། ཁྲོ་གཏུམ་དཔའ་རྔམ་ཆེན་འཆི་བདག་བདུད།། བསྒོམ་པའི་ལྷ་ལ་ཆགས་ན་འཆིང་བའི་བདུད།། ཆགས་སྡང་ལྔ་ལ་ཆགས་ན་ངན་སོང
343b5 བདུད།། ཆོས་སྤྱོད་བཅུ་ལ་ཆགས་ན་སྐྱེ་གནས་བདུད།། འཁོར་བའི་ལམ་ལ་ཆགས་ན་མ་རིག་རྨོངས་པའི་བདུད།། ཡུལ་ལ་རྔམ་སེམས་བྱེད་ན་ཆགས་པའི་བདུད།། ཆོས་ལ་སྨོད་པའི་འདོར་ན་ཕྲག་དོག
343b6 བདུད།། གཞན་ལ་སྐྱོན་འཛིན་བྱས་ན་ང་རྒྱལ་བདུད།། ཕ་རོལ་སྤོང་བར་བྱེད་ན་སྐྱོན་གྱི་བདུད།། དེ་བཞིན་བདུད་ཀྱི་བསླུ་བ་བསམ་མི་ཁྱབ།། བརྗོད་ཀྱིས་མི་ལངས་གྲངས་མང་ཡང་།། རྩ་བ་བདུད་བཞི་ཆོམ་གྱུར
iiif viewer powered by OpenSeadragon
