| e-texts navigator |
| Wylie |
343a1 བྱའོ།། ཀྱེ་མ། རིགས་ཀྱི་བུ་ཡེ་ཤེས་ཀྱི་སྣང་བ་གསལ་བའི་དུས་ན། བར་དུ་གཅོད་པའི་བདུད་ཀྱི་རྒྱུ་བསྟན་པ་བདུད་ཀྱི་སྣང་བ་འདི་ལྟ་བུ་དག་ཀྱང་འབྱུང་ངོ་།། ཀྱེ་མ། རིགས་ཀྱི་བུ་ཁྱོད་ལ་སྣང་བ་དེས
343a2 ཅི་ཞིག་བྱ།། སྣང་བ་དེ་ནི་ཡང་དག་པ་མ་ཡིན་ནོ།། དེ་ནི་འཁོར་བའི་རྒྱ་ཁོ་ནའོ།། ཟེར་ཞིང་རང་གི་སྣང་བ་དང་འཐད་པའི་ཚིག་བརྗོད་པ་དེ་ནི་བདུད་ཀྱི་བསླུ་བ་དང་པོའོ།། དེ་ནས་མཁའ་འགྲོ་མའི་ཆ་བྱད་དུ་ཞུགས
343a3 ནས། རིགས་ཀྱི་བུ་ངས་ཁྱོད་ལ་ལུང་བསྟན་གྱིས། དེ་ནི་ཡང་དག་པ་མ་ཡིན་ནོ།། དེ་ནི་ལོག་པ་ཁོ་ནའོ།། འདི་ལྟར་བྱས་ན་རིགས་ཀྱི་བུ་ཁྱོད་གྲོལ་བར་འགྱུར། ཞེས་ལུང་སྟོན་པ་འདི་ནི་བདུད་ཡིན་པར་ཤེས་པར
343a4 བྱའོ།། དེ་ཡི་དུས་སུ་རང་གི་དེ་ཉིད་ལས་མ་ཡེངས་པར་བྱའོ།། གླང་པོ་ཆེའི་ལྟ་སྟངས་ཀྱིས་བལྟ་བར་བྱའོ།། དེ་ནས་བཅོམ་ལྡན་འདས་གཞོན་ནུ་དཔའ་བོ་སྟོབས་ལྡན་ཉིད་ཀྱིས་ཚིགས་སུ་བཅད་དེ་བཀའ་སྩལ་པ། ཨ
343a5 ཨ་ཀྱེ་མ་ཧོ།། རྟོགས་པ་མཚན་མས་བཅིངས་པའི་བདུད།། བསམ་གྱིས་མི་ཁྱབ་གྲངས་མང་ཞིང་།། བརྗོད་དུ་མེད་པས་བསམ་མི་ཁྱབ།། རྣམ་རྟོག་མཚན་མ་ཅི་འགྱུས་པ།། ཐམས་ཅད་བདུད་ཀྱི་རང་བཞིན་ཏེ།། དེ
343a6 ཡང་མདོར་བསྟན་འདི་ལྟ་སྟེ།། གཟུང་འཛིན་ཡུལ་ལ་ཆགས་ན་ཕྱི་ཡི་བདུད།། རྣམ་རྟོག་འཁྲུལ་པར་སྐྱོང་ན་ནང་གི་བདུད།། རྟོགས་པ་ཁ་འབྱམས་བདུད་ཀྱི་སླུ་བ་ཡིན།། ལུས་ལ་རྒྱན་བཟང་བདུད་ཀྱི་སླུ་བ
iiif viewer powered by OpenSeadragon
