| e-texts navigator |
| Wylie |
342b1 ཡིན་མིན་མེད་པའོ།། གཞི་ལས་འདས་པའི་བྱུང་ས། ཅི་སྟེ་དང་པོ་རྐྱེན་གྱིས་འཁྲུལ་པའི་ཕྱིར་རོ།། ལམ་ལ་འདས་པའི་སྣང་བ། ཅི་སྟེ་ཉམས་སུ་བླང་དགོས་པའི་ཕྱིར་རོ།། འབྲས་བུ་ལས་འདས་པའི་སྣང་བ། ཅི་སྟེ
342b2 འབྲས་བུ་རྒྱུར་མི་ལྡོག་པའི་ཕྱིར་རོ།། ཨེ་མཐོང་བ་ཡེ་ཤེས་ཀྱི་ཚད་བསྟན་པམ་ཧོ།། སངས་རྒྱས་ཀྱི་ལམ་ལྔ་ངོ་ཤེས་ན།། སྣང་བ་ལ་དགག་བསྒྲུབ་མེད་པར་འཆར་རོ།། སངས་རྒྱས་ཀྱི་བདེན་པ་མཐོང་བའི་དུས་ན། རང་གི
342b3 ཤེས་པ་སྟོབས་སུ་གྱུར་ནས།། ཡེ་ཤེས་མཁའ་ལ་བརྡལ་བའོ།། སངས་རྒྱས་ཀྱི་དགོངས་པ་རྙེད་པ་ནི། ཡུལ་ལ་ཤེས་པ་འཇུག་པ་མེད་པའོ།། སངས་རྒྱས་ཀྱི་དགོངས་པ་ཉམས་སུ་ལེན་པའི་དུས་སུ། ཡེ་ཤེས་མཁའ་ལ
342b4 གསལ་བ་འདི་ལྟ་སྟེ།། སྣང་བ་ཡུལ་ལ་ཤར་ན་སྐུ་དང་བཅས་པའོ།། ཡེ་ཤེས་ཀྱི་སྣང་བ་རང་ལ་སྐྱེ་བའི་དུས་ནི། ནམ་མཁའ་ལ་འོད་ཀྱི་ཐིག་ལེ་ཤར་བའོ།། རིག་པ་ལ་ཉོན་མོངས་པས་མ་གོས་པའི་དུས་ནི་རྐྱེན་དབང
342b5 དུ་མི་འགྲོ་བའོ།། བདུད་བཞི་ཆོམས་པའི་དུས་ནི། སྣང་བ་ཉོན་མོངས་པའི་དབང་དུ་མ་སོང་བའོ།། རྫོགས་ཆེན་མཐའ་ལ་སྒྲོལ་བའི་དུས་ནི། ཤེས་པ་བྱིང་རྒོད་དུ་མ་སོང་བའོ།། ཡེ་ཤེས་ཁོངས་ནས་གསལ་བའི་དུས
342b6 ནི། གཉིད་ལོག་པའི་དུས་ལྟ་བུ་ལ་ཤེས་པར་བྱའོ།། རིག་པ་མཁའ་ལ་གསལ་བའི་དུས་ནི།། ནམ་ལངས་པ་ལྟ་བུ་ཤེས་པར་བྱའོ།། ཡེ་ཤེས་དངོས་དང་བྲལ་བའི་དུས་ནི། ཆང་གིས་ར་རོ་བ་ལྟ་བུར་ཤེས་པར
iiif viewer powered by OpenSeadragon
