| e-texts navigator |
| Wylie |
342a1 བསྟན་ཏེ།། ལམ་གྱི་ཡེ་ཤེས་ངོས་བཟུང་བར་བསྟན་པའོ།། དེ་ནས་ཡང་འཇམ་དཔལ་གྱིས་འདི་སྐད་ཅེས་གསོལ་ཏོ།། ཀྱེ་ཐུགས་རྗེའི་བདག་པོ། གཞི་ལམ་གྱི་མཚན་ཉེ་བར་གསུང་དུ་གསོལ།། ཞེས
342a2 ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་ཧོ།། སྐྱེས་བུ་དམ་པ་ཁྱོན་ཉོན་ཅིག། ངས་ལེགས་པར་བསྟན་གྱིས། ཁྱོད་ཀྱི་ཡིད་ལ་མ་ཡེངས་པར་ཟུང་ཞིག། དེ་རྣམས་ཐམས་ཅད་ཀྱི་དོན་གསལ་བ་འདི་ཡིན་ནོ།། གཞི
342a3 བསམ་པ་ལས་འདས་པ། རྟོག་པ་ལས་འདས་པ། ངོ་བོ་ཐ་དད་ལས་འདས་པ།། རང་བཞིན་དངོས་པོ་ལས་འདས་པ།། ཐུགས་རྗེ་མཛད་པ་ལས་འདས་པ།། འབྲས་བུ་རྩོལ་བསྒྲུབ་ལས་འདས་པ།། ཡེ་ཤེས་ཡིན་མིན
342a4 ལས་འདས་པའོ།། སྤྱོད་པ་ཆོས་དང་འབྲེལ་བ།། དམ་ཚིག་ལྟ་བ་དང་འབྲེལ་བ།། བསྒྲུབ་པ་ལྷ་དང་འབྲེལ་བ། དབང་གདམས་ངག་དང་འབྲེལ་པ། དགོངས་པ་གཉིས་མེད་དང་འབྲེལ་བ།། སྒོམ་པ་འཛིན་མེད་དང
342a5 འབྲེལ་བ། ལྟ་བ་མིང་དང་འབྲེལ་པ། མིང་དོན་སྙིང་དང་འབྲེལ་བ། དཔེ་འཇའ་ཚོན་དང་འབྲེལ་བ། རྟགས་སྒྲོན་མ་དང་འབྲེལ་བ།། དབྱིངས་ནམ་མཁའ་དང་འབྲེལ་བ། སངས་རྒྱས་དང་སེམས་ཅན་དུ་འབྲེལ
342a6 པབའོ།། ངོ་བོ་ལ་ཆོས་མེད། སངས་རྒྱས་ལ་སེམས་མེད། སེམས་ལ་འབྲས་བུ་སྨིན།། ཆོས་ལ་བསྒྲུབ་ཏུ་མེད།། འབྲས་བུ་ལ་ཐོབ་ཏུ་མེད། དགོངས་པ་ལ་བར་མཚམས་མེད། ཐུགས་རྗེ་ལ་དབྲི་བཀོལ་མེད།། ལྟ་བ་ལ
iiif viewer powered by OpenSeadragon
