| e-texts navigator |
| Wylie |
339b1 སོ་སོའི་རིམ་པ་རྣམས།། རབ་ཏུ་བཤད་ཅིང་བཀྲོལ་བའོ།། རྒྱུད་འདི་བཤད་པའི་ཐབས་ལས་རྒྱུད་ཀྱི་ལྡང་ཚད་དང་མཚོན་དཔེ་བསྟན་པའོ།། ཀྱང་།། རྒྱུད་ཀྱི་ཆེ་བ་བསྟན་པ་དང་།། རྒྱུད་ཀྱི་ལྡང་ཚད་མཚོན་དཔེ་དང་།། རྒྱུད་ཀྱི
339b2 གཏན་ཚིགས་བསྟན་པའོ།། རབ་ཏུ་དབྱེ་བ་རྒྱས་པ་དང་།། གདམས་ངག་གསང་བ་རྒྱས་པ་དང་།། རྟོགས་ལྡན་ཐེག་པས་རྒྱས་པའོ།། བསྡུ་བ་རྣམ་པ་གསུམ་གྱིས་བསྟན།། ཐེག་པའི་དོན་བཀྲོལ་བསྡུ་བ
339b3 དང་།། བཞག་ཐབས་ཆེན་པོར་བསྡུ་བ་དང་།། རིག་པའི་ངང་དུ་བསྡུ་བའོ།། དེ་ཡང་རྒྱས་བསྟན་འདི་ལྟ་སྟེ།། དཔེར་ན་ནམ་མཁའ་སྟོང་པ་ཡི།། ངང་དུ་ཉི་ཟླ་སྡུད་པ་བཞིན།། ཆོས་ཀྱི་ཕོ་བྲང་ཡངས་པ་རུ།། སྣ་ཚོགས
339b4 ཡེ་ཤེས་ཆེན་པོར་སྡུད།། ཡང་དག་དོན་གྱི་ཀློང་ཡངས་སུ།། རིག་པ་སྟོང་པའི་ཡེ་ཤེས་སྡུད།། མཚན་མ་བྲལ་བའི་ནམ་མཁའ་ལས།། སྒྲོན་མ་ཡེ་ཤེས་ངོ་བོ་སྡུད།། རྣམ་དག་དབྱིངས་ཀྱི་སྒྲོན་མ་རུ།། ཕྱི་ནང་གསང་བའི
339b5 ཆོས་རྣམས་སྡུད།། རྒྱས་པར་བསྟན་པ་དེ་བཞིན་ནོ།། ཞུས་པའི་ཚིག་དང་དྲིས་པའི་ཡང་བསྟན་པའོ།། བཀའ་སྩལ་པ། ཞུས་པའི་ཚིག་ལ་དོན་གསུམ་སྟེ།། བདག་དོན་བསྡུས་ཏེ་ཞུས་པ་དང་།། གཞན་དོན་རྒྱས་པར་ཞུས་པ
339b6 དང་།། གཉིས་ཀའི་དོན་དུ་ཞུས་པའོ།། བཀའ་སྩལ་པ་ལ་དོན་བདུན་བསྟན།། གཉེན་པོའི་དོན་ལ་དགོངས་པ་དང་།། བསྡུ་བའི་དོན་ལ་དགོངས་པའོ།། དྲང་བའི་དོན་ལ་བཀའ་སྩལ་དང་།། ལྡེམ་པོར་དགོངས་པ
iiif viewer powered by OpenSeadragon
