| e-texts navigator |
| Wylie |
337b1 པ། ཀྱེ་གསང་བའི་བདག་པོ་རྡོ་རྗེ་འཛིན།། ལེགས་པར་བརྟན་པའི་ཡིད་བཅས་ནས།། བསམ་པ་བརྟན་པོས་བཟུང་བར་གྱིས།། ཆོས་ལ་སོགས་པའི་རྟོགས་པ་རྣམས།། མི་འཇིགས་དད་པས་འཇུག་པའི་ཕྱིར།། ཡང
337b2 དག་དོན་གྱི་ལུང་འདི་བཤད།། འཇིགས་བཅས་ཡིད་རྣམས་སྤངས་ལ་ཉོན།། ཀྱེ་མ་གསང་བདག་རྡོ་རྗེ་འཛིན།། མཚན་མ་སྤང་བའི་གཞུང་ལུགས་ནི།། གོང་དུ་བཤད་ཅིང་བཀྲོལ་བའོ།། མཇུག་གི་དོན་བསྟན་འདི་ལྟ
337b3 སྟེ།། མན་ངག་དོན་དང་གཏན་ཚིགས་དོན།། མཐའ་སྡུད་རྣམ་པ་གསུམ་དང་ནི།། རྫོགས་པའི་ཆོས་རྣམས་ཀུན་ཏུ་གྲགས།། མཐའ་སྡུད་རྣམ་གསུམ་འདི་ལྟ་སྟེ།། གཏི་མུག་རྨོངས་པའི་མདུད་པ་དང་།། ཞེ་སྡང་མངོན
337b4 སྣང་མདུད་པ་དང་།། འདོད་ཆགས་ལམ་གྱི་མདུད་པ་དང་།། རྣམ་པ་གསུམ་དུ་ཀུན་ཏུ་གྲགས།། དེ་རྣམས་གསལ་ཕྱིར་གདམས་ངག་བསྟན།། དེ་ཡང་ཉི་ཤུ་རྩ་གཅིག་གིས།། བློ་ཡིས་ཐེ་ཚོམས་བསལ་བྱའི་ཕྱིར།། མ
337b5 ནོར་ལེགས་པར་བསྟན་པར་བྱ།། བསྟན་པའི་ཡུལ་ནི་སེམས་ཅན་ནོ།། བསྟན་པའི་རྒྱུ་ཉིད་ཀུན་ལ་ཁྱབ།། དེ་ཡང་བསྟན་ལུགས་འདི་ལྟ་སྟེ།། ཆོས་ཉིད་ཡུལ་ངོ་ཕར་སྤྲད་པས།། དོན་གྱི་སྙིང་པོ་ཚུར་ལ་འཕྲོད།། རང
337b6 གི་གདངས་ལ་ཕར་སྤྲད་པས། ཡེ་ཤེས་སྣང་བ་ཚུར་ལ་མཐོང་།། འབྱུང་བའི་གདངས་ལ་ཕར་སྤྲད་པས།། དག་པའི་ཞིང་ཁམས་ཚུར་ལ་མཐོང་།། ནམ་མཁའི་ངང་ལ་ཕར་སྤྲད་པས།། སྒྲོན་མའི་སྙིང་པོ་ཚུར་ལ
iiif viewer powered by OpenSeadragon
