| e-texts navigator |
| Wylie |
335b1 ཡང་བཀའ་སྩལ་པ། ཀྱེ་མ་གཞོན་ནུ་འདི་དཔྱད། སྟོབས་ལྡན་ཉིད།། ངས་བསྟན་ལེགས་པར་དོན་གྱིས་ཉོན།། ཡིད་ལ་སོགས་པའི་བྱ་བ་མཐོང་།། བཤད་བྱའི་རིམ་པ་འདི་ལྟ་སྟེ།། ཡང་དག་དོན་གྱི་བཤད་བྱ
335b2 ནི།། གསང་བའི་ཚིག་དང་གབ་པའི་ཚིག། སྦས་པའི་ཚིག་རྣམས་བསྟན་བྱའི་ཕྱིར།། བཤད་བྱའི་རིམ་པའི་ངོ་བོ་ནི།། རྒྱུ་མཚུངས་ལྡན་པའི་ངེས་ཚིག་ལས།། གབ་དང་སྦས་པའི་བྱ་བ་རྣམས།། མ་ལུས་བཤད་པས
335b3 བཤད་ཅེས་བྱའོ།། རིམ་པའི་མདོ་ཉིད་གསལ་བར་སྟོན།། དེ་ཡང་ཚིག་ཉིད་དོན་གྱིས་བསྟན།། འཛིན་མེད་བཤད་པ་ཀུན་གྱི་དངོས།། ཕྱི་ནང་ཀུན་གྱི་ཡེ་ཤེས་ལ།། བྱས་པས་བཤད་པའི་ཚིག་རྣམས་རྙེད།། བྱུང་བས
335b4 ཡེ་ཤེས་དོན་ལ་སྦྱོར།། རིམ་པ་དངོས་མིན་བཤད་པར་བསྟན།། བཤད་བྱའི་རིམ་པའི་མཚན་ཉིད་ནི།། གང་ལ་འཛིན་པའི་བལྟ་བ་མེད།། དངོས་པོ་མེད་དང་སྣང་ཕྱིར་དང་།། བཤད་པའི་སྒྲ་ནི་གྲགས་པས
335b5 སྟོང་།། བཤད་པའི་ཚིག་ནི་དོན་ལ་སྦྱོར།། བཤད་པའི་དོན་ནི་དབྱིངས་སུ་སྡུད།། བཤད་པའི་བལྟ་བ་ཐུག་པ་མེད།། བཤད་པའི་བསྒོམ་པ་མི་གནས་ཤིང་།། བཤད་པའི་རྟགས་ལ་དུས་མཚམས་མེད།། བཤད་པའི་ཡུ
335b6 ལ་ལ་དམིགས་པ་མེད།། དེ་བཞིན་བཤད་པའི་རིམ་པ་རྣམས།། ཀུན་ལ་དེ་བཞིན་ཤེས་པར་བྱའོ།། ཨེ་མ་དོན་ཉིད་མཚོན་པའི་ཕྱིར།། བཤད་པའི་རིམ་པ་བརྗོད་པའོ།། བཤད་པའི་གཞུང་ལ་འདི་ལྟ་སྟེ།། བལྟ།
iiif viewer powered by OpenSeadragon
