| e-texts navigator |
| Wylie |
335a1 ཚུལ་ལྟ་བུའི་བློས།། བསྒོམ་པའི་དོན་དང་བསྟུན་ཏེ་བཤད།། དང་མོ་མཐུན་འགྲོས་ལྟ་བུའི་བློས།། དོན་གྱི་ཁོག་ཕུབ་བསྡེབས་ཏེ་བཤད།། བར་སྣང་འཇའ་ཚོན་ལྟ་བུའི་བློས།། ཆོས་དབྱིངས་རྒྱན་དང
335a2 བཅས་པར་བཤད།། སྤུ་གྲི་སོ་འདེབས་ལྟ་བུའི་བློས།། བལྟ་བ་ལ་ཤན་ཕྱེ་སྟེ་བཤད།། མེ་ལོང་དཀྱིལ་འཁོར་ལྟ་བུའི་བློས།། རྒྱུ་རྐྱེན་གཉིས་དང་བཅས་ཏེ་བཤད།། བར་སྣང་གློག་འགྱུ་ལྟ་བུའི་བློས།། ཚིག་རེ་དོན་རེ
335a3 མྱུར་བར་བཤད།། ནམ་མཁའ་སྟོང་པ་ལྟ་བུའི་བློས།། རྒྱ་ཆེ་མཐར་ཐུག་མེད་པར་བཤད།། ཟུག་པ་རྩ་བ་ལྟ་བུའི་བློས།། རིག་པའི་དངོས་པོ་བསྟན་ཏེ་བཤད།། འདྲིལ་པ་སྡོང་པོ་ལྟ་བུའི་བློས།། ཆོས་རྣམས་དོན་ལ
335a4 དྲིལ་ཏེ་བཤད།། གྱེས་པ་ཡལ་ག་ལྟ་བུའི་བློས།། མན་ངག་དོན་གྱིས་བརྟགས་ཏེ་བཤད།། རྒྱས་པ་ལོ་འདབ་ལྟ་བུའི་བློས།། ཉི་ཤུ་རྩ་གཅིག་དོན་རྣམས་བཤད།། གསལ་བ་མེ་ཏོག་ལྟ་བུའི་བློས།། སྒྲོན་མ་རྣམ་པ
335a5 གཉིས་ལྟར་བཤད།། སྨིན་པ་འབྲས་བུ་ལྟ་བུའི་བློས།། འབྲས་བུ་རྒྱུར་མི་ལྡོག་པར་བཤད།། དེ་ལ་སོགས་པའི་བཤད་ཟབས་རྣམས།། རིམ་པ་བཞིན་དུ་ཤེས་པར་བྱ།། བཤད་པའི་ཐབས་དང་འཇུག་སྒོ་རྣམས།། དེ
335a6 བཞིན་ཉིད་དུ་ཤེས་པར་བྱའོ།། དེ་ནས་ཡང་མཇམ་དཔལ་གྱིས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་ཡེ་ཤེས་སྐུ།། བཤད་པ་དངོས་ནི་ཇི་ལྟ་བུ།། བཤད་བྱའི་རིམ་པ་གསུང་དུ་གསོལ།། ཞེས་ཞུས་སོ།། དེ་ནས
iiif viewer powered by OpenSeadragon
