| e-texts navigator |
| Wylie |
334b1 བསྟན།། རྣམ་པ་བཅུ་དང་ཉི་ཤུས་བསྟན་པའོ།། སྟག་མོའི་མཆོངས་སྟབས་ཤེས་རབ་ཀྱིས།། དོན་གྱི་ས་ཆེན་བཅད་དེ་བཤད།། ཁྱུང་ཆེན་མཁའ་ལྡིང་ལྟ་བུའི་བློས།། དོན་གྱི་ཁོག་ནི་ཕུབ་སྟེ་བཤད།། སེང་གེ་གདངས
334b2 སྐད་ལྟ་བུའི་བློས།། ཐེག་དམན་ཟིལ་གྱིས་མནན་ཏེ་བཤད།། རུས་སྦལ་གོག་འགྲོས་ལྟ་བུའི་བློས།། ཡི་གེའི་འབྲུ་རྣམས་ཆོམས་པར་བཤད།། ཕོ་རོག་སོ་རྟོག་ལྟ་བུའི་བློས།། གོལ་སྒྲིབ་གདར་ཤ་བཅད་དེ
334b3 བཤད།། གྱད་གྱི་དོར་ཐབས་ལྟ་བུའི་བློས།། རྒྱས་པ་དོན་ལ་བསྡུས་ཏེ་བཤད།། གླང་ཆེན་ཉལ་བ་ལྟ་བུའི་བློས།། ལྟ་བ་དམིགས་ལ་བཙུགས་ཏེ་བཤད།། མཁའ་ལྡིང་རྒུ་མཐུན་ལྟ་བུ་བློས།། དོན་གྱི་དམིགས་ནི་བཙལ
334b4 ཏེ་བཤད།། གླག་མོ་གཟན་འཛུམ་ལྟ་བུའི་བློས།། དོན་ལ་ཐེ་ཚོམ་མེད་པར་བཤད།། གནའ་ཕྲུག་ཕྲག་འཛེགས་ལྟ་བུའི་བློས།། མི་འཚམས་པ་དང་འཚམས་པར་བཤད།། མུ་ཏིག་རྩར་བརྒྱུས་ལྟ་བུའི་བློས།། མན་ངག
334b5 དོན་དུ་བསྡེབས་ཏེ་བཤད།། དུས་ཀྱི་འབྲུག་ཆར་ལྟ་བུའི་བློས།། ཕ་རོལ་སུན་རྣམས་ཕྱུང་སྟེ་བཤད།། མཚན་མོའི་བུང་བ་ལྟ་བུའི་བློས།། སྒོ་མོ་ཀུན་ནས་བསྡུས་ཏེ་བཤད།། དཔག་བསམ་ལྗོན་ཤིང་ལྟ་བུའི
334b6 བློས།། ཤིན་ཏུ་རྒྱས་པ་ཆེན་པོར་བཤད།། མཁའ་གསལ་ཉི་མ་ལྟ་བུའི་བློས།། ཐམས་ཅད་ཡོངས་ལ་ཁྱབ་པར་བཤད།། གཏིང་གསལ་ཟླ་བ་ལྟ་བུའི་བློས།། འཁོར་བ་མྱ་ངན་འདས་པར་བཤད།། སེང་གེ་བཞུགས
iiif viewer powered by OpenSeadragon
