| e-texts navigator |
| Wylie |
333b1 འཚལ་བ་དང་མཚན་སྨོས་དང་།། བཤད་པར་དམ་བཅའ་ཀླད་ཀྱི་ཚིག། མདོ་དང་རྒྱས་པ་ཆེན་པོ་དང་།། ཤིན་ཏུ་རྒྱས་པ་ཆེན་པོ་རྣམས།། གཞུང་གི་ཚིག་ཏུ་བསྟན་པའོ།། མན་ངག་རྟོགས་པའི་དོན་རྣམས་དང་།། རྣམ
333b2 པ་བདུན་དུ་གྲགས་པ་ཡིན།། དེ་ནི་དབུ་ཞབས་དོན་དུ་ཡང་དག་བསྟན།། ལེའུའི་དོན་རྣམས་སོ་སོ་ཡི།། མཚན་དུ་ཡང་དག་བཤད་པར་བྱ།། རྒྱུད་དང་ཡེ་ཤེས་བསྟན་པའི་ཕྱིར།། རྒྱུད་རྒྱལ་འདི་ཉིད་ཉོན་ཅིང
333b3 ལྟོས།། གཞན་དག་མ་ཁྲོལ་བ་རྣམས་ཀྱང་།། འདི་ལ་བསྟན་གྱི་འགྲོ་བར་གྱིས།། མཐར་ཕྱིན་འགྲོལ་བའི་རྒྱུད་ཆེན་འདི།། བཤད་ཅིང་དགྲོལ་བས་ཡིད་ཆེས་འགྱུར།། ཐེ་ཚོམ་མེད་ཅིང་རང་དོན་རྙེད།། མཐའ་ཡས
333b4 གཅིག་ཏུ་སྡུད་པའི་སེམས།། ང་ཡིས་དོན་ཆེན་འབྱུང་བར་བཤད།། མཇུག་གི་དོན་དང་ཡན་ལག་དོན།། རབ་ཏུ་བཤད་པས་ཡིད་ཆེས་འགྱུར།། བསྟན་པའི་རྒྱལ་པོའི་བཤད་ལུགས་ཀྱང་།། གནས་སྐབས་འདི
333b5 ལྟར་བསྟན་པའོ།། ལུང་ལྟར་བཤད་དང་རྒྱུད་ལྟར་བཤད།། མན་ངག་ལྟ་བུར་བཤད་པ་གསུམ།། འཇུག་པའི་སྒོ་ལ་ཤེས་པར་བྱ།། ལུང་ལ་རྣམ་པ་གསུམ་གྱིས་བསྟན།། བསྟན་པ་འཇུག་པའི་ལུང་དང་ནི།། ཤིན་ཏུ
333b6 གནས་པ་དག་གི་ལུང་།། གཏན་ལ་ཕབ་པའི་ལུང་དུ་བསྟན།། རྒྱུད་ལ་རྣམ་པ་ལྔ་རུ་བསྟན།། ཕྱི་རྒྱུད་བཤད་པའི་རྒྱུད་དག་དང་།། ནང་རྒྱུད་གཏན་ལ་འབེབ་རྒྱུད་དང་།། གསང་རྒྱུད་མན་ངག་རྒྱུད་ཆེན་དང་།། ཡོངས
iiif viewer powered by OpenSeadragon
