| e-texts navigator |
| Wylie |
333a1 ཀུན་ཏུ་གྲགས།། སྤྲུལ་པའི་ངེས་ཚིག་འདི་ལྟ་སྟེ།། ཕྱེད་སྣང་ཞེས་ཀྱང་འདི་ལ་བྱ།། འཁོར་བ་ལོག་ཅིང་དག་པའི་ཞིང་ལ་སྣང་།། ཕྱེད་སྣང་དཀྱིལ་འཁོར་ཆེན་པོར་བཤད།། གང་ལ་གང་འདུལ་དེར་སྟོན
333a2 ཅིང་།། མཛད་པའི་ཕྲིན་ལས་མཐར་ཕྱིན་གྱུར་པ་ན།། སྦྲུལ་སྐུ་ཕྱེད་སྣང་ཞེས་ཀྱང་ཀུན་ཏུ་གྲགས།། རིམ་པ་བཞིན་དུ་ཀུན་ཏུ་བཤད།། དེ་བཞིན་ཀླད་ཀྱི་ཚིག་རྣམས་ཀུན།། རྒྱས་པར་ཡང་དག་བཤད་པའོ།། ཡང་དག
333a3 ཚད་མའི་དོན་དེ་ཉིད།། སུས་ཀྱང་ཤེས་པར་མེད་འགྱུར་ཞིང་།། ཡང་ན་གཏན་ཚིགས་བཤད་མི་དགོས།། ཐེག་དམན་གཞན་དག་ཟིལ་མནན་ཕྱིར།། ཚིག་ཆེན་དོན་ཆེན་བསྟན་པར་བྱ།། ཚིག་ལ་ཡང་དག་དོན་ཆེན་མི
333a4 རྟོག་གིས།། དེ་ནི་མདོར་བསྟན་གོང་ཚིག་གོ། རྒྱུད་ཆེན་རྒྱལ་པོ་བཤད་ལུགས་རྣམས།། འདི་བཞིན་ཚིག་དོན་ལེགས་པར་བསྟན།། རྒྱུད་ཆེན་རྒྱལ་པོ་འདི་ཉིད་ལ།། ཤློ་ཀ་ནི་བདུན་བརྒྱ་ལྔ་བཅུའོ།། ཚིག་ནི་བྱེ་བ་དང
333a5 ནི་བདུན་བརྒྱ་སྟེ།། ཤད་ནི་འབུམ་དང་ཉིས་བརྒྱར་བཤད།། ལེའུ་བརྒྱད་ཅུ་རྩ་དྲུག་ལས།། འདུན་པའི་ཚིག་དང་བཤད་པའི་ཚིག། གབ་པའི་ཚིག་དང་སྦས་པའི་ཚིག། ཤིན་ཏུ་གསང་བའི་ཚིག་རྣམས་ཀུན།། རང་རང
333a6 དོན་དང་འབྲུ་ལ་སྦྱར།། ཡོད་མེད་སྟོང་པའི་ཚིག་རྣམས་ཀུན།། དོན་དང་བསྟུན་ཏེ་བཤད་པར་བྱ།། དབུ་ཞབས་དོན་ནི་བདུན་གྱིས་བསྟན།། དོན་དུ་ཤེས་དང་ལན་ཚིག་དང་།། འདི་ལྟར་རྒྱུད་ལས་ཤེས་པར་བྱ།། ཕྱག
iiif viewer powered by OpenSeadragon
