| e-texts navigator |
| Wylie |
332b1 པས་བརྒྱུད་དང་བརྡའ་ཡིས་བརྒྱུད།། སྙན་ཁུང་བརྒྱུད་པ་གསུམ་དུ་གྲགས།། རྩ་བའི་དོན་ལ་འདི་ལྟ་སྟེ།། གདམས་ངག་ཉི་ཤུ་རྩ་གཅིག་གིས།། རིག་པའི་འཁོར་ལ་བསྟན་པར་བྱ།། དགོས་ཆེད་དོན་ལ་འདི
332b2 ལྟ་སྟེ།། རིག་པའི་ཡེ་ཤེས་གཏན་ལ་འབེབས།། དེ་ཡི་དགོས་ཆེད་བསྟན་པ་དང་།། རྒྱུད་ལུང་མན་ངག་ཐམས་ཅད་ཀུན།། འདི་ཡིས་ཡང་དག་འགྲོལ་བའི་ཕྱིར།། དགོས་ཆེད་གཉིས་སུ་བསྟན་པའོ།། ཡི་གེའི་དོན་ལ
332b3 འདི་ལྟ་སྟེ།། ཐམས་ཅད་སྡུད་ཕྱིར་བསྟན་པ་དང་།། ཐམས་ཅད་འབྱུང་ཕྱིར་བསྟན་པའོ།། བཤད་ཐབས་ཚིག་དོན་འདི་ལྟ་སྟེ།། ཚིག་གི་སྒོ་ནས་ཡང་དག་བཤད།། ཚིག་ལ་བཤད་ལུགས་གྲངས་མང་ཡང་།། འོག་ནས
332b4 རྒྱས་པར་འབྱུང་བའོ།། ཀླད་ཚིག་རྒྱས་པར་བསྟན་བྱའི་ཕྱིར།། དྲིས་པ་དག་དང་དྲིས་ལན་རྣམས།། འཁོར་དང་སྟོན་པ་ཉིད་དུ་བསྟན།། དེ་ཡང་མདོ་དང་རྒྱས་པའོ།། བཤད་ཐབས་ལུགས་དང་མདོ་རྒྱས་རྣམས།། ཡང
332b5 དག་ཚིག་དང་འབྲེལ་བར་བཤད།། དེ་ཡང་དང་པོ་སྤྲུལ་པའི་གནས།། ལོ་རྒྱུས་དོན་དང་བཅས་ཏེ་བཤད།། སྤྲུལ་པ་རང་བཞིན་གནས་དང་ནི།། ཤིན་ཏུ་འདས་པའི་གནས་སུ་བཤད།། སྤྲུལ་པའི་རྒྱུ་དང་ངེས་ཚིག
332b6 དང་།། བཤད་ཐབས་རིམ་པ་འདི་ལྟ་སྟེ།། དང་པོ་སྤྲུལ་པའི་རྒྱུ་བསྟན་པ།། ཡང་དག་སྦྱངས་དང་དོན་ཆེན་མཐོང་།། གང་ཟག་ཆེན་པོ་དེ་རྣམས་ཀུན།། བརྟེན་ཅིང་དབུགས་ཆེན་འབྱིན་གྱུར་པས།། སྤྲུལ་པའི་རྒྱུ་ཞེས
iiif viewer powered by OpenSeadragon
