| e-texts navigator |
| Wylie |
332a1 བཤད།། སྒྲ་དང་སྔགས་དང་སྦྱར་ལུགས་རྣམས།། དེ་ཡང་བསྟན་པ་འདི་ལྟ་སྟེ།། སྒྲ་ལ་རྣམ་པ་བཞི་ཡིས་བསྟན།། རིང་དང་ཟུང་དང་ཆེ་བ་དང་།། དེ་བཞིན་སྒྲ་ཡི་སྒྲ་ཞེས་བྱའོ།། གང་ནས་གང་དུ་སྒྲ་བྱུང
332a2 ཡང་།། འདི་ལྟར་ཀུན་ལ་ཤེས་པར་བྱ།། ཡི་གེའི་སྔགས་ལ་འདི་ལྟ་སྟེ།། ལོག་དང་འདོགས་དང་ཡན་ལག་རྣམས།། གང་ཡིན་པ་ཡང་འདིར་བརྗོད་ཅིང་།། གང་ལ་གང་གིས་འཚམས་པར་འབོད།། ལོག་པར་བཏགས
332a3 པ་མངོན་གྱུར་ཏེ།། མ་ཉིད་སོ་ལ་བཞག་པ་སྟེ།། ཡན་ལག་མྱ་ངན་འདས་ཡིག་ཡིན།། འདོགས་ནི་འཁོར་བ་ཁོ་ནའོ།། དེ་བཞིན་སྔགས་དང་ཡི་གེ་རྣམས།། གང་ལ་གང་འཚམས་དེ་འབོད་དེ།། རྒྱུད་ལ་སོགས་པའི
332a4 བཤད་ལུགས་རྣམས།། གོང་དུ་བཤད་པ་ཁོ་ནར་ཟེར།། ཐམས་ཅད་དེ་ཡིས་འགྲོལ་བར་འགྱུར།། རང་གྲོལ་ཐབས་ཆེན་རྒྱུད་ཆེན་འདིས།། ཐམས་ཅད་གྲོལ་བའི་ཤེས་རབ་མཆོག། འདི་ཡིས་བཤད་ཅིང་འདི་ཡིས
332a5 བཀྲོལ།། རྒྱུད་རྣམས་ཀུན་གྱི་མདུད་པ་རྣམས།། འདི་ཡིས་བཅིངས་པ་འགྲོལ་བའོ།། དང་པོ་ལ་ཡང་འདིས་བསྟན་ཏོ།། ཕྱི་ཡི་དོན་ཉིད་འདི་ལྟ་སྟེ།། གནས་དང་དུས་ལ་སོགས་པ་རྣམས།། གང་དུ་བསྟན་ཅིང་བཤད
332a6 པའོ།། ནང་གི་དོན་ནི་འདི་ལྟ་སྟེ།། དང་པོ་ལོ་རྒྱུས་དོན་བཤད་དང་།། རྩ་བ་དང་ནི་དགོས་ཆེད་དང་།། ཡི་གེ་དང་ནི་ཚིག་དོན་དང་།། དེ་བཞིན་ནང་དུ་བཤད་པར་བྱ།། ལོ་རྒྱུས་རྣམ་པ་གསུམ་གྱིས་བསྟན།། དགོངས
iiif viewer powered by OpenSeadragon
