| e-texts navigator |
| Wylie |
330a1 གསང་བ་འདི་ནི། སློབ་དཔོན་བི་མ་ལས་སྒྲ་མི་མཐུན་པ་གསུམ་ལས་བསྒྱུར་བའོ།། དེ་ནས་རྗེ་བློན་གཉིས་ལ་གནང་སྟེ། རྒྱུད་ཆེན་པོ་འདི་ནི་རྗེ་ལས་ཉུང་བན་ལ་ཡང་མེད་པར། རིན་པོ་ཆེ་ཤེལ་གྱི
330a2 གླེགས་ཤིང་དུ་བསྡམས་ནས། རིན་པོ་ཆེ་དངུལ་གྱི་ག་བུའི་ནང་དུ་བསྩལ་ནས་གཟེར་ཆེན་པོ་བཞིས་བསྡམས་ནས་ཉུང་བན་ལ་རྗེའི་ཞལ་ནས། འདི་ནི་བོད་ཕུང་པར་བྱེད་པའི་ངན་སྔགས་ཡིན་གྱིས་འདིས་བོད་ཕུང
330a3 བར་འགྲོ་བས། འདི་ཡང་ཁྱོད་ཀྱི་དེ་ཚོའི་ཟླ་ལ་སྤོས་ཤིག་ཅེས་གདམས་ནས་རེ་ནག་གིས་དྲིལ་ཏེ་ཉང་བན་ལ་ཆ་མེད་པར་རྗེས་གནང་བ་ལགས་སོ།། དེ་ནས་ཉང་བན་ཆེན་པོ་དེས་ཞའི་ལྷ་ཁང་དུ་མགོན་པོ་དྲིས་ཟག
330a4 ཅན་ལ་གཉེར་དུ་གཏད་ནས་སྦས་པ་ལགས་སོ།། རྗེའི་གསང་བ་ཐུགས་ཀྱི་བཅུད་ཉིད་མ་ནོར་བ་ལགས་སོ།། དེ་ནས་གནས་བརྟན་ལྡང་མས་ལྕེ་བཙུན་སེང་གེ་དབང་ཕྱུག་ལ་གནང་བ་ལགས་སོ།། ལྷ་རྗེས་ཉམས་སུ
330a5 བླངས་པའི་མན་ངག་ཤིན་ཏུ་ཟབ་པར་བསྟན་པའོ།། གང་དང་ཡང་མི་འདྲ་བར་ཉམས་སུ་བླངས་པར་བསྟན་པ་གསང་སྐོར་གྱི་མན་ངག་དམ་པ་འདི་གུད་དུ་སྦས་པ་ལགས་སོ།། རྒྱུད་ཀྱི་རྒྱལ་པོ་འདི་ནི་འཛམ་བུ་གླིང
330a6 གཞན་ན་མེད་པར་ཡིད་ཆེས་སོ།། ཉན་མི་དགོས་སོ།། དཔེ་ཐོབ་པས་ཆོག་གོ། མན་ངག་རྣམས་ཀྱི་རྒྱལ་པོ་འདི་སྣོད་མེད་པ་ལ་བྱིན་ན་གཉིས་ཀ་འཚིག། ལས་ཀྱི་འཕྲོ་ཅན་སྦྱངས་པའི་སྣོད་ལྡན་གྱིས་རྙེད་པར
iiif viewer powered by OpenSeadragon
