| e-texts navigator |
| Wylie |
328b1 ཟུང་།། རྗེས་སུ་འཇུག་པའི་འཁོར་རྣམས་ལ།། བསྣན་ཕྲི་མེད་པར་ཁྱོད་ཀྱིས་བྱིན།། ང་ཡི་རྒྱུད་ཆེན་རྒྱལ་པོ་འདི།། འཇིག་རྟེན་ཁམས་སུ་འབྱུང་བར་དཀའ།། འཇིག་རྟེན་ཁམས་ཀྱི་བཅུད་ཡིན་པས།། ཐབས་དང་ལྡན
328b2 པས་བླང་བར་བྱ།། གསང་སྔགས་དོན་གྱི་དགོངས་པའི་ཕུགས།། འདི་རུ་དགོངས་ནས་རྒྱུད་དུ་བསྟན།། ཨེ་མ་ཧོ་ངོ་མཚར་ཤིན་ཏུ་ཆེ།། འདིས་ནི་མ་རིག་མུན་པ་སེལ།། ཁམས་གསུམ་འཁོར་བའི་གདུང་བ
328b3 སེལ།། ཉོན་མོངས་འདམ་ལས་པདྨ་སྐྱེས།། ཡེ་ཤེས་མཁའ་ལ་རྣམ་པར་རོལ།། དེ་ཕྱིར་རྒྱུད་ཀྱི་རྒྱལ་པོ་འདི།། གསང་བའི་བདག་པོ་ཁྱོད་ཀྱིས་ཟུང་།། ང་ནི་མྱ་ངན་འདའ་འོག་ཏུ།། མོས་པ་སྦྱངས་པའི་འཁོར་རྣམས
328b4 ལ།། ཁྱོད་ཀྱིས་ལེགས་པར་བསྟན་པར་གྱིས།། ཡང་དག་ཡེ་ཤེས་ཆེན་པོའི་དོན།། འདིར་མ་འདུས་པ་གཅིག་ཀྱང་མེད།། ང་ཡི་བསྟན་པ་བཞིན་དུ་བྱོས།། ཞེས་བརྗོད་ནས་མི་སྣང་བའི་ངང་དུ་གཤེགས་སོ།། དེ་ནས
328b5 འཁོར་དེ་དག་ཐམས་ཅད་སྐད་གཅིག་ཏུ་ཡིད་འཁྲུགས་སོ།། དེ་ནས་ཡང་ནམ་མཁའ་ནས་སྒྲ་འདི་སྐད་ཅེས་སྒྲོགས་སོ།། བཛྲ་ཨ་བཛྲ་ཨ་ཤྭོ་ཏ་ན་ཀེ་ཤཱ་ཡ་ཨ་ཧཱུཾཿཡང་བྱུང་། ཤྲ་ཏཱ་ནཱ་ཀེ་ཤ་ཡཱ་ཡ་ཨ་ཧཱཾཿདྷ་སིངཿཞེས་བྱུང་བས
328b6 འཁོར་རྣམས་ཡིད་འཁྲུགས་པ་ལས་ཐར་རོ།། དེ་ནས་དེ་རྣམས་ཀྱི་ནང་ནས་གསང་བའི་བདག་པོ་ཕྱག་ན་རྡོ་རྗེ་ཞེས་བྱ་བ་དེས་འཁོར་རྣམས་ལ་འདི་སྐད་ཅེས་བརྗོད་ཅིང་རྟོག་པ་བསལ་པའོ།། ཀྱེ་གྲོགས་པོ་དག
iiif viewer powered by OpenSeadragon
