| e-texts navigator |
| Wylie |
328a1 སྦྲུལ་སྐུ་འབྱིན་མི་ནུས།། མཚན་མ་རྟགས་དང་མི་ལྡན་ན།། སྟོང་པ་ཆེན་པོའི་མཁའ་ལ་འཁྱིལ།། དེ་ཡང་སྐྱེ་མེད་ཐོབ་པར་གསུངས།། ཕྱི་ནང་གསང་བའི་དྲོད་རྣམས་ཀུན།། ཐོབ་ནས་དེ་བཞིན
328a2 གཤེགས་པར་གསུངས།། ཐེ་ཚོམ་མེད་པར་དེ་བཞིན་གཤེགས།། ས་ལ་ཐོགས་པ་མེད་པ་ཐོབ།། ལམ་ལ་འགྱུར་བ་མེད་པ་རྙེད།། དཀྱིལ་འཁོར་དོན་ལ་དེ་བཞིན་གཤེགས།། ས་རྣམས་ལ་ཡང་དེ་བཞིན་ནོ།། སྐྱེ་མེད
328a3 འབྲས་བུ་མེད་པར་བཤད།། བྱེད་པའི་ཆོས་དང་བྱས་པའི་ཆོས།། གང་གིས་ཕྱོགས་སུ་མ་ལྷུང་བའོ།། འཛིན་མེད་རང་སངས་ངོ་བོ་ཉིད།། འདས་པ་བརྗོད་དུ་མེད་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས།།
328a4 རྒྱལ་བའི་རྟེན་བཞག་པའི་ལེའུ་སྟེ་བརྒྱད་ཅུ་གྱ་ལྔ་པའོ།། ཊརྐ་ཏུམཱ་བཱ་ཟ།། ། དེ་ནས་འཁོར་དེ་དག་ཐམས་ཅད་ཀྱིས་སྟོན་པ་ཆེན་པོ་དེ་ལ་མགྲིན་གཅིག་ཏུ་ཐལ་མོ་སྦྱར་ནས་འདི་སྐད་ཅེས་གསོལ་ཏོ།། ཀྱེ
328a5 ཀྱེཀྱི་བཅོམ་ལྡན་འདས་ཐུགས་རྗེ་དང་ཐབས་སུ་ལྡན་པ། བདག་ཅག་རྣམས་ཀྱིས་རྒྱུད་ཀྱི་རྒྱལ་པོ་འདི་ཇི་ལྟར་གཟུང་བར་བགྱི། རྗེས་སུ་འཇུག་པ་རྣམས་ལ་ཇི་ལྟར་བསྟན་པར་བགྱི།། སྟོན་པས་ལུང་བསྟན་དུ་གསོལ།
328a6 ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་ཉོན་ཅིག་རིགས་ཀྱི་བུ། རྒྱུད་རྒྱལ་ཡེ་ཤེས་ངེས་པ་འདི།། ཀུན་གྱིས་གཟུང་བར་དཀའ་བ་ཡིན།། རིག་དང་ལྡན་པ་རྣམས་ཀྱི་བཅུད།། གསང་བའི་བདག་པོ་ཁྱོད་ཀྱིས
iiif viewer powered by OpenSeadragon
