| e-texts navigator |
| Wylie |
327b1 མངོན་པ་དང་།། རྣམ་པ་གསུམ་དུ་གསུངས་པའོ།། དེ་ཡང་རང་ཉིད་དག་ལ་རྫོགས།། ང་ཡི་གསུང་གི་དཀྱིལ་འཁོར་དུ།། དམ་པ་འདི་ཉིད་ཡིན་པར་གསུངས།། རྒྱུད་ཆེན་རྒྱལ་པོ་འདི་ཉིད་ཀྱིས།། སེམས་ཅན་རྟོག་པ
327b2 སེལ་བར་འགྱུར།། ང་ཡི་གསུང་དུ་འདི་བཞག་པས།། སེམས་ཅན་མ་རིག་ལྕགས་ལས་འགྲོལ།། གསུང་གི་དཀྱིལ་འཁོར་དེ་བཞིན་ནོ།། ང་ཡི་སྣང་བ་འདི་ལྟ་སྟེ།། སེམས་ཅན་ཀུན་གྱི་མིག་ལ་གནས།། དེ་ནི་སྒྲོན་མ
327b3 འབར་བ་ཡི།། འོད་ནི་ཐོགས་པ་མེད་པའོ།། དེ་ལ་ཡངས་མེད་ཡིད་ཀྱིས་བལྟས་གྱུར་ན།། སྣང་བ་ཆེན་པོ་ཤར་བ་དེ།། ང་ཡི་སྣང་བ་ཆེན་པོ་ཡིན།། དེ་བཞིན་སྐུ་དང་གདུང་དང་འོད་རྣམས་ཀྱང་།། མྱ་ངན་འདའ་བར
327b4 གང་འདོད་པ།། དེ་ལ་རྟགས་རྣམས་འབྱུང་བར་བཤད།། ཤ་རཱི་རམ་ནི་མགོ་ལས་བྱུང་།། ཆུ་རཱི་རམ་ནི་ཁྲག་ལས་བྱུང་།། བ་རཱི་རམ་ནི་ཚིགས་ལས་བྱུང་།། ཉ་རཱི་རམ་ནི་རྐང་ལས་བྱུང་།། དེ་ཡང་རིགས་བསྟན་འདི་ལྟ
327b5 སྟེ།། ཤ་རཱི་རམ་ནི་དཀར་ལ་དངས།། ཆུ་རཱི་རམ་ནི་སྔོ་ལ་ནག། བ་རཱི་རམ་ནི་དཀར་སེར་ལྡན།། ཉ་རཱི་རམ་ནི་སྨུག་ནག་སྟེ།། དེ་བཞིན་ཁ་དོག་དབྱེ་བའོ།། ཤ་རཱི་རམ་གྱིས་སྐྱེ་མེད་ཐོབ།། ཆུ་རཱི་རམ་གྱིས་ཆོས
327b6 སྐུ་ཐོབ།། བ་རཱི་རམ་གྱིས་ལོངས་སྐུ་ཐོབ།། ཉ་རཱི་རམ་གྱིས་སྦྲུལ་སྐུ་ཐོབ།། དེ་ནི་འབྲས་བུའི་ཚད་དུ་བསྟན།། སྐུ་ལ་རྣམ་པ་གཉིས་ཡོད་དེ།། ཞི་བ་དང་ནི་ཁྲོ་བོར་གསུངས། ཁྲོ་བོ་དེ་བཞིན་གཤེགས་པའོ།། ཞི་བས
iiif viewer powered by OpenSeadragon
