| e-texts navigator |
| Wylie |
326b1 མོས་པའི་འཁོར་རྣམས་ལ།། ལུང་བསྟན་རྒྱས་པ་གནང་བར་མཛོད།། ཅེས་ཞུས་སོ།། དེ་ནས་གཞོན་ནུ་དཔའ་བོ་སྟོབས་ལྡན་གྱིས་བཀའ་སྩལ་པ། ཀྱེ་ཧོ་མོས་པའི་འཁོར་རྣམས་ཉོན།། ངས་བསྟན་གསང
326b2 སྔགས་ཐབས་ཀྱིས་ཉོན།། ང་ལ་འཁོར་འདས་གཉིས་མེད་ཀྱང་།། སྟོན་པ་མྱ་ངན་འདའ་ཚུལ་སྟོན།། གསང་སྔགས་ཐབས་ལ་མཁས་པ་ཡིས།། ང་ནི་མྱ་ངན་འདས་འོག་ཏུ།། སྟོན་པ་ང་ཡི་གདུང་འཛིན་པའི།། སྟོན་པ
326b3 ང་ཡི་སྐུ་རྟེན་ནི།། འདི་ལྟར་ཀུན་ལ་ཤེས་པར་བྱ།། སྐུ་དང་གདུང་དང་རིང་བསྲེལ་དང་།། རྣམ་གསུམ་ང་ཡི་སྐུ་རྟེན་བཞག། གདུང་ལ་རྣམ་པ་ལྔ་བསྟན་ཏེ།། དེ་ཡང་བསྟན་པ་འདི་ལྟར་ཡིན།། སྲ་མཁྲེགས་རྡོ་རྗེ་འཇིག
326b4 པ་ཀུན་དང་བྲལ།། གསང་སྔགས་འབྲས་བུ་གཅིག་ཏུ་དྲིལ་བའི་རྟགས།། དབྱིབས་ཟླུམ་ཁ་དོག་སྣ་ཚོགས་འོད་ཟེར་འཕྲོ།། ཆེ་ན་སྲན་མའི་འབྲས་བུ་ཙམ་དུ་བཤད།། ཆུང་བའི་ཚད་ནི་ཡུངས་འབྲུ་ཙམ།། ཏིལ་འབྲུ
326b5 ཙམ་དུ་རྒྱལ་བས་བཤད།། དེ་ཡང་རིགས་བསྟན་འདི་ལྟ་སྟེ།། རྡོ་རྗེའི་གདུང་དང་པདྨའི་གདུང་།། རིན་ཆེན་གདུང་དང་ལས་ཀྱི་གདུང་།། དེ་བཞིན་གཤེགས་པའི་གདུང་དུ་བཤད།། ང་ནི་མྱ་ངན་འདས་འོག་ཏུ།། སྐུ་ཡི
326b6 རྟེན་དུ་གདུང་བཞག་ཅིང་། འགྲོ་བའི་མོས་པ་བསྐྱེད་པའི་ཕྱིར།། ང་ཡི་ཕུང་པོའི་རྟེན་རྣམས་སུ།། གདུང་གི་རིགས་ཆེན་འདི་བཞག་གོ། ཤ་ཡི་རྟེན་དུ་ཤ་རཱི་རམ།། ཡང་དག་ཉིད་དུ་བཞག་པའོ།། ཁྲག་གི་རྟེན་དུ་ཆུ་རཱི
iiif viewer powered by OpenSeadragon
