| e-texts navigator |
| Wylie |
326a1 མེད་འཛིན་པའི་རྩོལ་བ་སྤངས།། ཡང་དག་ཐུགས་ལ་ཉི་ཤར་བཞིན།། སྟོང་པའི་ཡེ་ཤེས་ཚིག་མཐའ་ཡས།། དག་པའི་མཁའ་ལ་ནོར་བུ་གསལ།། ཡང་དག་དོན་ལ་བརྗོད་གཞི་མེད།། འདས་དང་མ
326a2 དས་ཚིག་གི་ལམ།། གསང་སྔགས་གཅིག་པའི་ཡེ་ཤེས་ལྟོས།། ཡོད་མེད་འཛིན་པའི་བྱ་བ་དང་།། གསང་སྔགས་ཚིག་གི་མཐའ་ལས་གྲོལ།། ཤེས་པ་ཡུལ་གྱི་ལམ་དང་བྲལ།། མཚན་མའི་ཚིག་གིས་སྤྱོད་པ
326a3 མེད།། གསལ་འགྲིབ་འཛིན་རྟོག་ངང་གིས་བཅོམ།། རྣམ་རྟོག་འཁོར་བའི་བདུད་གཞི་བཅོམ།། འཁོར་བ་འཛིན་པའི་མདུད་པ་བཀྲོལ།། ཡིད་བཞིན་ཆོས་ཉིད་རེ་དོགས་བསལ།། འཛིན་པ་ཡུལ་གྱི་གོལ་སྒྲིབ
326a4 སྤངས།། ཡེ་ཤེས་དོན་ལ་མཐར་ཕྱིན་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། དགོངས་པ་ལུང་བསྟན་པའི་ལེའུ་སྟེ་གྱ་བཞི་པའོ།། །། དེ་ནས་ཡང་མཁའ་འགྲོ་མའི་འཁོར་དང་། གསང་བའི
326a5 བདག་པོ་དང་། མི་མ་ཡིན་གྱི་རིགས་བསམ་གྱིས་མི་ཁྱབ་པ་དང་།། བྱང་ཆུབ་སེམས་དཔའ་སེམས་དཔའ་ཆེན་པོ་རབ་བདུན་གྱིས།། བཅོམ་ལྡན་འདས་གཞོན་ནུ་དཔའ་བོ་སྟོབས་ལྡན་ཉིད་ལ་འདི་སྐད་ཅེས་གསོལ
326a6 ཏོ།། ཀྱེ་ཀྱེ་སྟོན་པ་ཡེ་ཤེས་སྐུ།། སྟོན་པ་མྱ་ངན་འདས་འོག་ཏུ།། སྐུ་ཡི་རྟེན་ནི་གང་ལ་བགྱི།། གསུང་ནི་གང་གིས་སྒྲོག་པར་འགྱུར།། ཐུགས་ཀྱི་རྟེན་ནི་གང་གིས་བཟུང་།། ཉིད་ཀྱི་སྣང་བ་གང་ལ་བགྱི།། བདག་ཅག
iiif viewer powered by OpenSeadragon
